اسلام آباد۔26ستمبر(اے پی پی)صدر مملکت آصف علی زرداری بین الاقوامی سمندری تجارت دے بلاتعطل بہائو سانڳے ودھ موثر اتے محفوظ شپنگ ماحول دی لوڑھ تے زور ݙیندے آکھیے جو پاکستان انٹرنیشنل میری ٹائم آرگنائزیشن (آئی ایم او) دا فعال رکن ہووݨ پاروں بین الاقوامی ضوابط و معیار دی پاسداری کریسی۔ ورلڈ میری ٹائم ڈے تے اپݨے سنیہے اچ انہاں آکھیا جو ایں سال اے ݙینھ مناوݨ دا موضوع ”نیویگیٹنگ دی فیوچر: سیفٹی فرسٹ“ سمندری حفاظت اتے سلامتی اڳو ودھاوݨ دی اہمیت ودھیندے، اے موضوع ابھردے چیلنجاں نال نمٹݨ اتے جدید و تکنیکی بحری طریقے اپناوݨ کیتے فعال اقدامات چاہندے تاں جو آپریشنل کارکردگی ودھے اتے آوݨ آلیان نسلاں کیتے سمندری ماحول پر امن، محفوظ اتے پائیدار ہووے۔ صدر آکھیا جو بحری شعبہ عالمی تجارت، اقتصادی ترق??، روزگار اتے بین الاقوامی تعاون سانڳے ہت?? ونݙیندے، ایں ݙینھ پاکستان سمندری آلودگی اتے موسمیاتی تبدیلی ڄھیں اہم چیلنجاں نال نمٹ تے اپݨے بحری ماحولیاتی نظام اتے ساحلی علاقیاں دے تحفظ دا عزم کریندے۔ صدر مملکت آکھیا جو پاکستان مختلف آئی ایم او کنونشنز نال ات??اق کیتے، اساں ایں سانڳے اہم اقدامات کیتن اتے اڳو تے وی پورا ہت?? ونݙیسوں، پاکستان سمندری آلودگی نال نمٹݨ کیتے اپݨے ریگولیٹری فریم ورک کوں تکڑا کرݨ، بحری فضلے دے بہتر انتظام اتے عوام دی مد?? نال چلݨ آلے منصوبیاں کوں و دھاوݨ کیتے ردھا ہوئے
