اسلام آباد 20 مارچ (اے پي پي) وزيراعظم عمران خان وئيلي دي چې بايد اسلامي هېوادونه د نويو حقيقتونو په تناظر كښې په رامخې ته كېدونكي نوي نظام عالم كښې خپل انفرادي او اجتماعي مقاصد ترلاسه كول ممكن كړي. وزيراعظم په عرب نيوز كښې په خپور شوي خپل مضمون كښې وئيلي دي چې دا مقصد ترلاسه كولو لپاره دوي بايد تر ټولو وړاندې اصول په ځائ ساتلو سره خپلې خپلواكې او سيمه ايزې سلامتيا ته وده وركړي، بايد د لويو طاقتونو په دښمنو كښې د ككړ كېدو نه ډډه وكړي، بايد نړيوالې اسلامي شخړې حل كړې شي او بايد د غېر ملكي مداخلې مخ نيوې وكړې شي. وزيراعظم ووئيل چې بايد د سولې د طاقت په توګه او آئي سي د فلسطين او كشمير د خپلواكې حق او د غېر ملكي قبضې څخه آزادې لپاره ملاتړ روان وساتي. ده ووئيل چې كه هر څو دا اهداف مشكل دي يو زه باور لرم چې د تاريخ دائره د انصاف په پلو ټيټه وي. وزيراعظم دا مضمون د پاكستان په كوربتوب كښې د مارچ په 22 او 23مه نېټه د اسلامي مرستې تنظيم د اسلامي خارجه وزيرانو د 48مې غونډې په مناسبت ليكلے دے. ده ووئيل چې د پاكستان ورځې د 75مې سالګرې په موقع په اسلام آباد كښې د خارجه وزيرانو كانفرنس پاكستان سره د مسلمانانو د يووالي غېر معمولي څرګندونه ده. وزيراعظم ووئيل چې د اسلام آباد غونډه د نړيوال تاريخ په نازك پړاٶ كېږي. وزيراعظم ووئيل چې د اسلامي مرستې تنظيم د نړۍ دوهم تر ټولو لوي د حكومتونو تنظيم دے او د اسلامي نړۍ د اجتماعي آواز نمائندګي كوي. وزيراعظم عمران خان اسلامي هېوادونو ته ووئيل چې دوي دې امن، انصاف او د يو بل احترام ته وده وركړي. اسلامي نړې دې د خپلو ستونزو حل په خپله ولټوي. وزيراعظم ووئيل چې په سوئيلي اسيا كښې پوخ امن د كشمير مسئلې د ملګرو ملتونو د سلامتي كونسل د قراردادونو او د كشميري اولس د هيلو له مخې حل سره تړون لري. وزيراعظم ووئيل چې پاكستان د هند پشمول ټولو ګاونډي هېوادونو سره د دوستې اړيكې غواړي، بايد نوې ډيلې هم پاكستان او كشميريانو سره د اخلاص او نتيجې وړ مذاكراتو لپاره سازګار ماحول پېدا كړي او په مقبوضه كشمير كښې دې خپل اقدامات بېرته واخلي. ده ووئيل چې څلوېښت كاله پس په افغانستان او منطقه كښې د امن او سلامتيا د بحالې رښتينې موقع په لاس راغلې، بايد مونږ په افغآنستان كښې د انساني بحران او معاشې تباهې مخ نيوي لپاره په ګډه كار وكړو. ده ووئيل چې د سوريې، لېبيا او د يمن شخړې د اړوند اسلامي هېوادونو په مرسته حل كول ضروري دي. ده د ملګرو ملتونو د عمومي اسمبلۍ لخوا د او آئي سي هېوادونو سره د پاكستان د تجويز شوي قرارداد په منظورې هم د اطمينان څرګندونه وكړه په كوم كښې چې د مارچ 15مه نېټه د اسلامو فوبيا د مخ نيوي د نړيوالې ورځې په توګه د لمانځلو اعلان شوے. وزيراعظم د پاكستان باني د وژن پوره كولو د عزم پخپلې وكړو چې دغسې پاكستان په يو جديد، جمهوري او اسلامي فلاحي رياست كښې بدل كړے شي كوم چې د رياست مدينه په طرز د رسول الله صلی الله عليه وآله وسلم په ارشاداتو عمل وكړي.
بايد اسلامي هېوادونه د نويو حقيقتونو په تناظر كښې په رامخې ته كېدونكي نوي نظام عالم كښې خپل انفرادي او اجتماعي مقاصد ترلاسه كول ممكن كړي. د وزيراعظم عمران خان په مضمون كښې څرګندونې
مضمون کا ماخذ : جادوئی اسپن
متعلقہ مضامین
