نیو یارک۔26ستمبر(اے پی پی) وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو آئ?? ایم ایف معاہدے نال ملکی معیشت مزید مستحکم تھیسی ، مہانگ دا سنگل ڈیجٹ تے آوݨ وݙی کامیابی اے ، میکرو اکنامک انڈیکیٹرز چنڳے تھیندے پئن ، وزیراعظم دا اقوام متحدہ جنرل اسمبلی توں خطاب اہم ہوسی، فلسطین ایشو سودھے اسلاموفوبیا تے وی ڳالھ تھیسی ، فلسطین کاز سانڳے ہر جاہ تے آواز چیسوں ، قائداعظم فلسطین سانڳے جیں عزم دا اعادہ کیتا ہئی اڄ و?? ایں تے کاربند ہیسے ایں پالیسی اچ کوئی تبدیلی کائنی آئی ، افغانستان نال چنڳے تعلقات چاہندوں ، کہیں ملک دی سرزمین پاکستان دے خلاف استعمال نی تھیوݨی چاہیدی ۔ اے ڳالھیں انھاں پریس کانفرنس توں خطاب اچ آکھئن ۔ وفاقی وزیر اطلاعات آکھیے کہیں ھک ملک نال ساݙا تعلق کہیں ݙوجھے ملک دی قیمت تے کائنی ، دوست ملکاں نال ساݙے وکھرے تعلقات ہن جیڑھے اہمیت رکھیندن ، اقوام متحدہ جنرل اسمبلی اجلاس تے وزیراعظم نال ٻئے ملکاں دے سربراہان دیاں ملاقاتاں تھئن انھاں اچ وݙی گرمجوشی ݙیکھݨ اچ آئی اے۔ ترکیہ دے صدر رجب طیب اردوان نال وزیراعظم دی ملاقات تھئی جیں اچ ترکیہ دے صدر پاکستان دی معاشی بحالی دی تعریف کیتی تے آکھیے جو پاکستان دے میکرو اقتصادی اشاریئے مثبت تھیندے پئن۔ وفاقی وزیر آکھیے مہانگ سنگل ڈیجٹ تے آئی اے، پچھلے سال مہانگ دی شرح 30 فیصد ہئی جیڑھ?? ایں سال گھٹ تے 9.6 فیصد تے آ ڳئی ، اے وݙی کامیابی اے ، برآمدات 14 فیصد ودھئن ، آئی ٹ?? ایکسپورٹس 3.1 ارب ڈالر تے پج ڳئن ، اوورسیز پاکستانیاں دی طر??وں ریکارڈ ترسیلات بھجوائیاں ویندیاں پئن ، پالیسی ریٹ گھٹ تھئے ، موڈیز اتے فچ پاکستان دی ریٹنگز کوں اپ گریڈ کیتے ، انھاں سارے میکرو اکنامک انڈیکیٹرز دے مثبت تھیوݨ توں ثابت تھیندے جو ساݙی معیشت اڳوں ودھدی پئی اے ، جݙاں اساکوں معیشت ملی تاں ڈیفالٹ دیاں ڳالھیں تھیندیاں پیاں ہن جیڑھے لوک پاکستان دے خیر خواہ کائنی او دعا کریندے پئے ہن جو پاکستان ڈیفالٹ کرونڄے ، جݙاں ڈیفالٹ تھیندے تاں بینکاں دے ٻاہر لوکاں دی پیسے کھڈݨ سانڳے قطاراں لڳ ویندن ، بین الاقوامی پروازاں ملک اچ آوݨ بند تھی ویندن ، ھک سیاسی جماعت معیشت کوں ڈیفالٹ کرݨ چاہندی ہئی اوں آئ?? ایم ایف کوں خط لکھیے، اے ڳالھیں ہن جو پاکستان ڈیفالٹ کرویسی ملک کوں ڈیفالٹ آلے پاسوں کڈھیا ڳئے ?? ایں ضمن اچ پیرس اچ تھیوݨ آلا اجلاس اہم ثابت تھئے، آئ?? ایم ایف نال معاملات طے پاتے جیں دے بعد ساݙی معیشت سدھے پاسے ٹرݨ شروع تھئی ، پاکستان اچ برآمد کنندگان کوں ٻ??وں اوکھ ہئی ?? ایل سیز بند ہن ?? ایکسپورٹرز کنفیوژن دا شکار ہن جو او کیں رییٹ تے ایکسپورٹ کریندا پئے آئ?? ایم ایف معاہدے دے بعد استحکام آئے، ڈالرز دی سمگلنگ روکی ڳئی ، عبوری حکومت وی ڈالر دی سمگلنگ روکݨ سانڳے اقدامات چاتے جیں پاروں ایکسچینج ریٹ کنٹرول اچ آئے ۔ وفاقی وزیر آکھیے پاکستان اچ فارن ایکسچینج ریگولیشن محمد نواز شریف دے دور اچ آئی ہئی?? ایں توں پہلے ڈالر ایکسچینج ہی نہ کیتا ونڄ سڳدا ہئی ، ڈیفالٹ آلے پاسوں نکل تے اڄ اساں ایں مقام تے پڄوں ساݙے سارے معاشی اشاریئے مثبت ہن ، بلوم برگ وی پاکستانی اقتصادی اشاریں کوں مثبت قرارݙتے ، بلوم برگ دا سروے ہے جو پاکستان دی سٹاک ایکسچینج ایشیا دی ابھردی ہوئی مارکیٹاں وچ اے تے روزانہ نویں ریکارڈ بݨیندی پئی اے ، سارے معاشی اشاریے اے ثابت کریندن جو ساݙی معیشت چنڳی تھیندی پئی اے ۔ ترک صدر دی طر??وں پاکستان دے معاشی استحکام دی تعریف کرݨ پاکستان دی حکومت اتے وزیراعظم شہباز شریف سانڳے وݙا سرٹیفیکیٹ اے، دنیا پاکستان دی معاشی بحالی دا نہ صرف ادراک کریندی پئی اے بلکہ ایندی تعریف کیتی تھیندی پئی اے ۔ وفاقی وزیرآکھیے مالدیپ دے صدر اتے بنگلہ دیش دے چیف ایڈوائزر نال وی وزیراعظم دی گرمجوشی نال ملاقاتاں تھئن ۔ بنگلہ دیش دے چیف ایڈوائزر ڈاکٹر محمد یونس نال ملاقات اچ بنگلہ دیش اتے پاکستان دے تعلقات اڳوں ودھاݨ دا عزم کیتا ڳئے ۔ خطے دے اندر اے وی ٻ??وں وݙا پالیسی شفٹ اے، پاکستان نویں اتحاد بݨاوݨ ویندا پئے ، پاکستان دی خارجہ پالیسی چنڳی تھئی اے پاکستان دی موجودہ قیادت تے دنیا دا اعتماد ودھ ڳئے ۔ وفاقی وزیر آکھیے آئ?? ایم ایف دے منیجنگ ڈائریکٹر اتے ورلڈ بینک دے صدر نال وزیراعظم دیاں ملاقاتان فیدہ مند درہیاں ، ورلڈ بینک دے صدر نال موسمیاتی تبدیلی، زراعت، آئی ٹی دے شعبیں اچ تعاون تے ڳالھ تھئی ، وزیراعظم محمد شہباز شریف ہر فورم تے موسمیاتی تبدیلی دے مسئلیں کوں چاتے ۔ کاربن اخراج اچ پاکستان دا حصہ ھک فیصد توں وی گھٹ اے لیکن موسمیاتی تبدیلیاں دا خمیازہ 80 توں 90 فیصد پاکستان کوں بھوگݨا پوندے ، 2022ء دی چھل اچ پاکستان ٻ??وں متاثر تھئے ، اساں کنے وسائل گھٹ ہن ، جنھاں ملکاں دا کاربن اخراج اچ حصہ زیادہ اے، انھاں کنے وسائل وی زیادہ ہن ایں چیز کوں چاتا ڳئے موسمیاتی تبدیلیاں نال نبݨݨ صرف ساݙی ذمہ واری کائنی ، دنیا دے ترقی یافتہ ملکاں دی وی ذمہ واری اے او آپݨا کردار نبھاون۔ وفاقی وزیر آکھیے دہشت گردی دے خلاف اساں 80 ہزار جاناں دی قربانی ݙتی، ارباں ڈالر دا مالی ضیان تھئے ۔ موسمیاتی تبدیلیاں دی جݙاں اساں ڳالھ کریندوں تاں اساں آکھدوں اساکوں 30 ارب ڈالر توں ودھ دا ضیان تھئے کیوں جو 30 ارب ڈالر دا تخمینہ ساݙے کنے موجود اے لیکن ایں تخمینہ نی لاتا ونڄ سڳدا جو دہشت گردی دے خلاف جنگ اچ اساکوں کتنا مالی ضیان تھئے ۔ 2013ء توں 2017ءتئیں نیشنل ایکشن پلان دے تحت دہشت گردی تے انتہاپسندی کوں بتدریج گھٹ کیتا ڳئے ، نیشنل ایکشن پلان دے تحت نفرت انگیز مواد، وال چاکنگ تے پابندی لاتی ڳئ?? ایندی بعد ھک ایجھی حکومت آئی جیڑھی طالبان کوں واپس گھن آئی ، اڄ جنوبی خیبر پختونخوا اچ دہشت گردی دی لہرودھ ڳئی اے ساݙے نینگر شہید تھیندے پئن ، وزیر اعظم شہباز شریف ایں مسئلے کوں چنڳے طریقے نال چاتے غزہ دے مسئلے تے وی وزیراعظم شہباز شریف ہر فورم تے ڳالھ کیتی ، پاکستان شنگھائی تعاون تنظیم دے اجلاس اچ وی آپݨا موقف ݙتے جو اسرائیل فلسطینیاں دی نسل کشی کریندا پئے ، پاکستان عالمی عدالت انصاف اچ وی آپݨا موقف ݙتے ، پاکستان فلسطین دے طالبیں کوں جیڑھے جنگ پاروں تعلیم جاری نی رکھ سڳئے کوں تعلیم مکمل کرݨ دی پیشکش کیتی اے جیں دا اعتراف اڄ محمود عباس وی کیتے ، پاکستان توں 6 سی 130 جہازاں سودھے بحری جہاز امدادی سامان گھن تے فلسطین بھیجے ڳئے۔ انھاں آکھیے غزہ، خان یونس، رفح اچ اسرائیلی ظلم و ستم تے پاکستان کوں شدید تشویش اے?? ایں تے آواز چیندے رہسوں ۔ انھاں آکھیے کل غیر ملکی میڈیا نال ڳالھ مہاڑ اچ وزیراعظم شہباز شریف جنگ بندی دی لوڑھ تے زور ݙتے۔ وزیراعظم پرزور الفاظ اچ لبنان تے حملے دی مذمت کیتی۔ فلسطین دا مسئلہ ساݙے نزدیک ٻ??وں اہمیت رکھیندے ۔ پاکستان دا واحد پاسپورٹ اے جیں تے لکھیا ہوندے اسرائیل دے سوا اے دنیا دے سارے ملکان سانڳے کارآمد اے۔ اے فلسطینی عوام نال ساݙی یکجہتی اے۔ انھاں آکھیے جݙاں 2017ءاچ محمد نواز شریف حکومت چھوڑی اوں ویلھے دنیا دیاں 26 ٹاپ معیشتاں اچ شامل ہاسے اساں آکھدے پاسے جی 20 دے ٻ??وں نیڑے ہیسے ، اڄ ساݙے سیاسی مخالفین و?? ایں ڳالھ کوں منیندے پئن جو گریل سال دی نسبت اڄوکے سال معیشت بہتر اے۔ وفاقی وزیر آکھیے وزیراعظم شہباز شریف دا جنرل اسمبلی توں تاریخی خطاب ہوسی، اے ٻ??وں اہمیت دا حامل موڑ اے ، وزیراعظم مسلم امہ تے اسلامو فوبیا تے ڳالھ کریسن ۔ انہاں آکھیے وزیراعظم دے اقوام متحدہ جنرل اسمبلی توں خطاب تے پوری قوم کوں ماݨ ہوسی ، افغانستان بھرا ملک اے اساں افغان پناہ گزیناں کوں کئی سال سانبھیے،اساں افغانستان نال امن چاہندوں ، ٹی ٹی پی یا کوئی دہشت گرد افغانستان توں آپریٹ کریسی تاں ایں تے آواز چیسوں ، صحافیاں دے سوالاں دے جواب تے وفاقی وزیر اطلاعات آکھیے بنگلہ دیش دی عبوری حکومت دے چیف ایگزیکٹو ڈاکٹر محمد یونس پاکستان سانڳے نا آشنا کائنی ، ڈاکٹر یونس وݙے ذہین اتے دور اندیش انسان ہن، پاکستان دے خوشحال بینک دا سنگ بنیاد ڈاکٹر یونس توں متاثر تھی تے رکھیا ڳیا پاکستان اچ انھاں دی سنڄاݨ وی ہے تے پاکستان دے لوک انھاں کوں چنڳی طرح جاݨدن ، انھاں دے ٻ??وں سارے پراجیکٹس پاکستان اچ کامیابی نال چلدے پئن ۔ اخوت دا ماڈل وی ڈاکٹر یونس توں متاثر تھی تے شروع کیتا ڳیا ، وزیراعظم ڈاکٹر محمد یونس کوں پاکستان دورے دی دعوت ݙتی اے ۔ ایران نال وی پاکستان دے تعلقات اچ بہتری آئی اے۔ ایران دے مرحوم صدر ڈاکٹر ابراہیم رئیسی دے دورہ پاکستان دے موقع تے جیڑھے جذبیں دا اظہار کیتا ڳیا او لائق تحسین ہن۔ پاکستان دا سٹریٹجک محل وقوع سارے وسط?? ایشیائی ریاستاں تئیں رسائی ݙیندے ، دنیا دے اندر پاکستان دا ھک کردار اے۔ ھک سوال تے جواب اچ وفاقی وزیرآکھیے انتشار کھنڈاوݨ ھک سیاسی جماعت دا وطیرہ بݨ ڳئے ، مسلم لیگ (ن) نفرت اتےانتشار دی سیاست تے یقین نی رکھیندی انھاں آکھیے وفاق اتے پنجاب دیاں حکومتاں بجلی تے سبسڈی ݙتی، وفاق 1 توں 200 یونٹ تئیں بجلی دے صارفین کوں 50 ارب روپے دی سبسڈی ݙتی، پنجاب حکومت 201 توں 500 یونٹ تئیں بجلی استعمال کرݨ آلے صارفین سانڳے 45 ارب روپے دی سبسڈی ݙتی ۔ پچھلے سال اٹا 160 روپے فی کلو ہئی ہݨ 80 روپے فی کلو اے، پچھلے سال پٹرول 320 روپے فی لیٹر ہئی اڄ 249 روپے فی لیٹر اے۔ اے ڳالھیں فرضی کائنی مہانگ سنگل ڈیجٹ تے آ گئی اے، وفاقی وزیر اطلاعات ھک ٻئے سوال دے جواب اچ آکھنیے سوشل میڈیا تے غلط معلومات اتے نقلی خبراں دے تدارک سانڳے اقدامات نا??زی??ہن۔ ایس آئ?? ایف سی سرمایہ کاری دے ودھارے سانڳے بݨائی ڳئی ?? ایس آئ?? ایف سی دی بدولت ٻاہرلے سرمایہ کاراں سانڳے سوکھ تھئی اے
