اسلام آباد۔14ستمبر(اے پی پی) نائب وزیراعظم، وزیر خارجہ تے سینیٹ اچ قائد ایوان سینیٹر محمد اسحاق ڈار آکھیے مثبت سوچ نال اڳوں ودھݨا اے تے ملک کوں ترقی دے رستے ٹورݨا اے، اپوزیشن وی ایں عمل اچ رلے تھیوے ، عددی تعداد پوری تھی ڳئی تاں ترمیم گھن آسوں۔ سینیٹ اچ قائد حزب اختلاف سینیٹر شبلی فراز دے اعتراض دے نکتے تے جواب اچ اسحاق ڈارآکھیے خصوصی کمیٹی پارلیمنٹ دا وقار بحال کرݨ سانڳے بݨائی ڳئی ، کمیٹی اچ سینیٹ دے ارکان کوں وی رلݨا چاہیدے، دنیا اچ آئینی عدالت ??ا نظام نواں کائنی ، ملک اچ آئینی عدالت دا قیام ضروری اے، جے عددی تعداد پوری تھی ڳئی تاں ترمیم گھن آسوں ، مثبت سوچ نال اساں اڳوں ودھݨا اے تے ایں ملک کوں ترقی دے رستے تے ٹورݨا اے اپوزیشن وی ساݙے رلے تھیوے ۔اسحاق ڈار آکھیے اساکوں اصولاں دی سیاست کو?? نی چھوڑݨا چاہیدا ، پاکستان تحریک انصاف دے دور حکومت اچ ادھ گھنٹے اچ 22 ترمیماں تھیاں ، جیڑھیاں چیزاں 18 ویں ترمیم اچ اوں ویلھے نہ تھی سڳدیاں ہن ایں کوں اساں ہݨ کرݨ دی کوشش کریندے پیوں ، آئینی عدالت دا تصور نواں کائنی ایندی ٻہوں پذیرائی اے۔ انہاں آکھیے ایں طرح انھاں دا فی??لہ آیا جو تساں جے پارٹی لائن دے خلاف ووٹ ݙیسو تاں تساڈا ووٹ ڳݨیا نہ ویسی تے تساں ایوان دی ممبرشپ توں وی فارغ تھی ویسو ، تاں اے کیجھا قانون اے ، ایندی غلط تشریح کیتی ڳئی ، نہ ووٹ ڳݨیے ڳئن نہ ممبرشپ ختم کیتی ڳئی ۔ وفاقی و??یر قانون سینیٹر اعظم نذیر تارڑ آکھیے ایں معاملے تے ھک اپیل لڳی ہوئی اے، جیڑھی پارٹی لائن کراس کرے ایں تے ریفرنس بھیجیسوں جو اینکوں نااہل کیتا ونڄے، سپریم کورٹ آکھیے 63 اے اچ تشریح کریندوں جو ووٹ پیسی تاں وی کاؤنٹ نہ تھیسی اینکوں نااہل وی کیتا ویسی ، ووٹ ڳݨیا نہ ونڄݨ تاں سزا کیڑھی ڳالھ دی اے ؟
