اسلام آباد۔12مارچ (اے پی پی) پاکستان د هندي توغندی په تصادفي توغول كېدو حقایق معلومولو لپاره د ګډو پلټنو غوښتنه كولو سره وئيلي دي دا ټوله پېښه د هند د ستراتیژیکو وسلو په سمبالولو کښې یو لړ جدي کمزوریو او تكنیکي نیمګړتیاوو ته اشاره کوي۔ پاكستان نړيوالې ورورولۍ څخه په جوهري چاپېريال كښې رامخې ته شوې د سنګين نوعيت دې پېښې په جدي توګه د نوټس اخستو او په منطه كښې تزويراتي استحكام ته وده وركولو كښې د خپل بشپړه كردار ترسره كولو غوښتنه هم كړې ده۔ د خالي په ورځ دې ځائې څخه جاري شوي بيان كښې د خارجه دفتر وياند ووئيل پاکستان د انډين پرېس انفارمېشن بېورو ډيفنس ونګ اخباري بيان نوټ كړې دې په كوم كښې چې په 9 مارچ 2022 د تكنيكي خرابۍ له امله په پاكستانۍ سيمه كښې د هندي توغندي په تصادفي فائرنګ د افسوس څرګندونه شوې ده او په دې لړ كښې د داخلي عدالتي پلټنيو پرېكړه شوې ده۔ وياند ووئيل هند له د توغندي توغول كېدو مخنيوي له د اقداماتو او تګلارې وضاحت كول پكار دي٬ د دغه توغندي قسم او تفصيلات بايد بيان كړې شي ٬ هند له به دا هم سپيناوې كول وي چې توغندې د پاكستان په سيمه كښې څنګه پرېوتو۔ وياند پوښتنه وكړه چې دې توغندي پخپله د تباه كېدو نظام لرلو؟ كه داسې وه نو بيا ناكامه ولې شو۔ هند له به دا هم سپناوې كول وي چې آيا دا توغندي وسله وال ځواك سره و يا بل كوم سركش او بدمعاش عناصر خپله ولقه كښې اخستې وو۔ هغه ووئيل د هند لخوا د داخلي عدالتي پلټنيو پرېكړه كافي نه ده ولې چې توغندې د پاكستان د حد دننه پرېوتې دې او پاکستان د دې د تصادفي توغول كېدو حقایق معلومولو لپاره د ګډو پلټنو غوښتنه كوي۔ پاكستان نړيوالې ورورولۍ څخه په جوهري چاپېريال كښې رامخې ته شوې د سنګين نوعيت دې پېښې په جدي توګه د نوټس اخستو او په منطقه كښې تزويراتي استحكام ته وده وركولو كښې د خپل بشپړه كردار ترسره كولو هم غوښتنه كوي۔
پاکستان د هندي توغندی په تصادفي توغول كېدو حقایق معلومولو لپاره د ګډو پلټنو غوښتنه کړې
مضمون کا ماخذ : گولڈ رش
متعلقہ مضامین
