کوئټه۔28 اپرېل(اے پی پی)وزیراعظم عمران خان وئيلي دي د پاكستان پرمختګ د ښكته طبقې پرمختګ سره تړلې ده۔ د مدينې په رياست كښې حكمرانانو مانړۍ نه وې جوړې كړې۔ مونږ د وروسته پاتې سيمو پرمختګ ته خصوصي پام لرنه كوؤ۔ پاك پرودګار هغه چاته كاميابي وركوي څوك چې د بې وزلو او انسانيت خذمت كوي۔ د بلوچستان پرمختګ زمونږ تر ټولو وړومبۍ ترجيح ده۔ وزیراعظم د شورؤ په ورځ كوئټه كښې د اېن اېچ اے بېلو منصوبو د بنياد تيګه كېښودله او پرانسته ئې وكړه۔ په دې مهال د بلوچستان اعلی وزير جام كمال خان ٬ د مواصلاتو وفاقي وزير مراد سعید او د منصوبه بندۍ ٬ پرمختګ ٬ اصلاحات او خصوصي اقداماتو وفاقي وزير اسد عمر هم موجود و۔ وزیر اعظم ته د بېلو منصوبو په حقله بريفنګ وركړے شو۔ وزیراعظم د 22 کلومیټره کوئټه وېسټرن بائی پاس اېن 25 پراخا كولو او د 11 کلومیټره ډېرہ مراد جمالی بائی پاس اېن 65 جوړولو منصوبو د بنياد تيګه كېښودله۔ وروسته خپل خطاب كښې وزيراعظم ووئيل زه په دې خوشحاله شوے يمه چې بلوچستان كښې مو پرمختيائي منصوبې پېل كړې۔ دلته د 15 كالو نه د 11 سو كلوميټره سړكونو په منصوبو او زمونږ 2 نيم كاله موده كښې د 3300 کلومیټره سترو لارو په منصوبو كار روان دے۔ هغه ووئيل په کوئټه،چمن او کراچي ستره لاره ما سفر كړے ٬ دا خطرناكه لاره ده۔ دا پبلك پرائېوېټ همكارۍ سره جوړؤ۔ وزیر اعظم ووئيل زما فلسفه او سوچ دا دے چې پاك پرودګار هغه چاته كاميابي وركوي څوك چې د بې وزلو او انسانيت خذمت كوي۔ د ګنګا رام روغتون ټوله نړۍ تعريف كوي ٬ هغه مسلمان نه و ٬ د هغه نامه به نړۍ ياده ساتي۔ هغه ووئيل د نړۍ تاريخ وګورۍ نړۍ پېسه لرونكي خلق نه بلكه د انسانيت خذمت كوؤنكي ياد ساتي۔ هغه ووئيل نيمې اوچې ته د اسلام راوړونكو مزارونو ته نن هم ګڼ شمېر خلق فاتحه لوستلو له راځي ولې چې هغوي د غم ځپلي اولس خذمت كړے وو۔ هغه ووئيل كله چې مونږ كال 2013 كښې کے پی کے كښې حكومت جوړ كړو نو ترهګري عامه وه۔ سرمايه دارو دې ځائې نه اسلام آباد ته هجرت كولو۔ 500 پولیس اهلكار شهيد شوي وو۔ د پوليس حوصلې ماتې وې۔ مونږ ته تر درې كالو دا طعنې راكولې شوې چې نوې پختونخوا چرته ده۔ د ن لیګ يو ملګري ماته ووئيل د كال 2018 ټول ټاكنو كښې پام پنجاب ته وګرځوه كے پي كے چاته دويمه موقع نه وركوي خو مونږ دغلته درې كښې دوه برخې اكثريت ترلاسه كړو۔ د یواېن ډی پی اوسنې رپورټ زمونږ كاركردګي په ګوته كوي۔ هغه ووئيل د يو اېن ډي پي يو رپورټ له مخې پاكستان كښې يوه وړه اشرافيه ډله په وسائلو قابض ده۔ دا ډله دومره سرمايه لري چې په لندن كښې د دوئي په قيمتي ځايونو كښې جائېدادونه دي چرته چې د برطاينې وزيراعظم هم جائېداد اخستې نه شي۔ هغه ووئيل بلوچستان كښې زياتو سترو لارو ته اړتيا وه خو دلته په 15 كاله كښې 11 سو کلومیټره سترې لاری جوړې شوې۔ هغه ووئيل پاكستان به هله پرمختګ كوي كله چې ښكته طبقه پرمختګ وكړي۔ هغه ووئيل د مدينې په رياست كښې حكمرانانو مانړۍ نه وې جوړې كړې۔ د بېت المال پېسه به په ښكته طبقه مصرف كولې شوه۔ هغه ووئيل مونږ به د بلوچستان محرومۍ لرې كړؤ۔ څومره فنډز چې زمونږ حكومت مصرف كړي دي تېر وخت كښې مثال نه لري۔ وزيراعظم ووئيل پنجاب،کے پی کے او ګلګت بلتستان كښې هرې يوې كورنۍ ته صحت كارډ وركولې شي۔ دا د فلاحي رياست پلو پورته كړے شوے يو ګام دے۔ مونږ غواړؤ چې بلوچستان كښې هم هر يوې كورنۍ ته دا كارډ وركړے شي۔ دې كارډ سره به كلي والو سيمو كښې هم نجي روغتونونه جوړ شي۔ هغه ووئيل د پنجاب كرونده ګرو له مو كسان كارډ پېل وركړے دے دې لپاره رجسټرېشن پېل كړې شوې دې۔ هغه ووئيل احساس پروګرام نه مستحق وګړو ته نېغ په نېغه سبسډي وركولو له سروے 80 فيصده بشپړ كړې شوې ده۔ مونږ له ښكته طبقه پورته كول دي۔ ځكه دا سوچ نه كوؤ چې مونږ ته دې ووټونه راكړې شي۔ هغه ووئيل کے پی کے مو كښې مو د روغتيا او زده كړو نظام ښه كړے دے۔ د بلوچستان وزيراعلی جام كمال خان ووئيل د پخواني حكومت نه زيات كار كوؤ ولې د دې پرچار نه كوؤ ځكه خو خلق دا ګڼي چې كار نه كېږي۔ سی پېک بلوچستان لپاره لويه ډالۍ ده۔ هغه وئيل تحریک انصاف د تېر دور په مقابله كښې زيات ښه كارونه كړي دي۔ په صوبه كښې پرمختتيائي منصوبو سره به خوشحالي راشي۔ هغه ووئيل د وفاق زيات فوكس د بلوچستان په پرمختګ دے۔ دغسې صوبائي حكومت هم دې پلو خاص پاملرنه كوي او زيات پرمختيائي فنډز وركوي۔ هغه ووئيل د بلوچستان سركاري كېنسر روغتون او دغسې د نسټ كېمپس جوړېږي۔
د مدينې په رياست كښې حكمرانانو مانړۍ نه جوړولې۔ مونږ د وروسته پاتې سيمو پرمختګ ته خصوصي پام لرنه كوؤ۔ د وزيراعظم عمران خان كوئټه كښې دستورې ته خطاب
مضمون کا ماخذ : لاٹری کے اعدادوشمار
متعلقہ مضامین
