اسلام آباد۔ 28 اکتوبر(اے پی پی) د مواصلات وفاقي وزير مراد سعيد وئيلي دي د قام د لوټ كړو پېسو بايد ځواب وركړے شي۔ حكومت دا پېسه معاف كولے نه شي۔ په ناموس رسالت ٬ پېښور پېښه او د كوئټې په چاؤدنه د اپوزيشن سنجيدګي د قام په وړاندې ده۔ د شورؤ په ورځ قومي اسمبلۍ كښې هغه ووئيل اپوزيشن د پېښور په پېښه سياست شروع كړے۔ تېره ورځ په ناموس رسالت او نن د پېښور په پېښه د اپوزيشن سنجيدګي د ټولو په وړاندې ده۔هغه ووئيل د كوئټې په جلسه كښې وئيلې شوي وو په پاك افغان پوله به خاردار تار لرې كولے شي۔ دوي دا هېره كړې چې دې تار لګولو نه وروستو پاكستان محفوظ شوے۔ د اچکزئی ورورو پخپله ګورنر ؤ هغه پښتنو لپاره څه كړي ۔ هغه ووئېل زمونږ په ماشومانو د سياست كولو نه بايد ډډه وكړې شي۔ هغه ووئيل اپوزيشن په كورونا هم سياست كړے۔ په فیټف چې كله قانون سازي روانه وه نو په دغه موقع اپوزيشن تحريري اېن آر او وړاندې كړه۔ مراد سعید ووئيل اجیت دوول د پاكستان په حقله وئيلي وو هغه د بهر نه بريد نشي كولے ۔ دې بيان نه وروستو داخلي سازشونه پېل شو۔ بلوچستان او پختونخوا كښې د ناامنۍ او شيعه سني فساداتو سازش روان دے ۔مراد سعيد ووئيل د قائد د مزار يو تقدس دے۔ زه د هند د نظريې او سوچ غندنه كوم۔ هغه ووئيل د اردو ژبې د ترويج غوښتنه آئين كوي۔ دا خلق د اجیت دوول بیانیې او د مودی سوچ ته وده وركوي۔ په كشمير 54 كاله وروستو د ملګرو ملتونو سلامتي كونسل كښې بحث شوے ۔ هغه ووئېل موجوده حكومت كښې درې وارې سلامتي كونسل كښې د كشمير په مسئله خبره وشوه۔ د ناموس رسالت معامله عمران خان ټولې نړۍ او ملګرو ملتونو ته يوړله۔ كله چې د فلسطين په اړه خبره وشوه نو د پاكستان په ضد سازشونه پېل شول۔ وفاقي وزير ووئيل سترې محكمې هغه ته سرټيفائيډ غل او عمران خان ته صادق او امين وئيلے۔ هغه ووئيل اپوزيشن د هند او اسرائيل په سازشونو كښې د ميرجفعر كردار ترسره كوي
د اولس د لوټ كړو پېسو بايد ځواب وركړے شي۔ حكومت دا پېسه معاف كولے نه شي۔ مراد سعید
مضمون کا ماخذ : لاٹری کی پیشن گوئی
متعلقہ مضامین
