اسلام آباد 04 اپرېل (اے پي پي) وزیراعظم محمد شهبازشریف وئيلي دي د ججانو په خط سپریم کورټ از خود کارروائی کوي، خطونو كښې د ترلاسه شوو مشکوك پاؤډر د معاملې پلټنې كېږي،بايد په دې معامله سیاست ونه كړے شي، حکومت د بشپړه ذمه وارۍ سره پلټنې كوي، معاشی پرمختګ، غريبۍ او بی روزګارۍ كمولو لپاره شپه ورځ كار كوو، آئی ایم اېف سره به د روانې مياشت په مهال به د سټینډ بائی لوظنامې 1.1 ارب ډالر آخري قسط ترلاسه شي، معاشی استحکام لپاره د آئی ایم ایف يو بل پروګرام ته اړتيا ده،اېف بی آر ډیجیټائزیشن لپاره کنسلټنس به روان مياشت تعینات کړے شي ، د پي آئي اے نجکاري به د شیډول له مخې كېږي، د چین انجینئرز او کاركناانو له به په زړه پورې امنيت وركولې شي۔د دې خيالاتو څرګندونه ده د زيارت په ورځ په خپله مشرۍ كښې د وفاقی کابینې غونډه كښې وكړه۔ وزیراعظم ووئيل وفاقي کابینې په تيره غونډه كښې د سپریم کورټ چیف جسټس سره د ملاقات په رڼا كښې د انکوائري کمېشن منظوری وركړې وه ۔د پخواني چیف جسټس تصدق جیلاني په مشاورت او رضا سره د دغه انکوائری کمېشن نوټیفکیشن جاری کړے شو خو بيا جسټس تصدق حسین جیلاني د انکوائري کمېشن په توګه د ذمه وارۍ ترسره كولو څخه معذرت وكړو او دغې نه پس سپریم کورټ از خود نوټس واغست او اوس په عدالت عظمیٰ كښې دغه د سماعت لاندې دے ۔ ده ووئېل مونږه خپله ذمه واري پوره كړې وه۔ وزیراعظم ووئيل د مشکوك پاؤډر ججانو ته د تر لاسه كېدو معامله هم رامخې ته شوې ۔ بايد په دې سیاست ونه كړے شي او مونږه خپله ذمه واري پوره كړو۔ ده ووئېل عدالت عظمیٰ پخپله د دې معاملې پلټنې كوي۔ حکومت به په دې كښې پلټنې كوي دغسې چې ټول حقائق رامخې ته شي۔ وزیراعظم ووئيل د خزاني وزارت ، د پټروليم وزارت ، د توان وزارت ، زراعت او آئي ټي پشمول د بيلو وزارتونو تفصیلی غونډي شوي۔ خصوصی سرمایه کاری کونسل يو ښه كردار لري۔ وزیراعظم ووئيل ګراني د وخت سره سره كمېږي۔ غريبي ، ګراني او بی روزګاری كمولو له به شپه ورح كار كول وي۔ وزیراعظم ووئيل هيله لرم چې د آئی ایم ایف څخه به د رواني مياشت په مهال د سټینډ بائي لوظنامې 1.1 ارب ډالره آخری قسط ترلاسه شي۔د خزاني وزیر د خپلې ډلي سره د امریکا دوره کونكے دے چرته به چې د هغه د نوې پروګرام لپاره آئی ایم ایف چارواكو سره ملاقاتونه كېږي۔ ده ووئېل د آئی ایم ایف يو بل نوې پروګرام ته اړتيا ده ٬ دې سره به معیشت كښې استحکام راشي او د نړيوالو ادارو اعتماد به بحال شي او هېواد كښې به د پرمختګ او سوكالۍ لپاره په اعتماد سره كار وكړے شي۔ وزیراعظم ووئيل د اېف بی آر په ډیجیټائزیشن په تندۍ سره كار روان دے،هيله لرو چې د رواني مياشت په مهال به د کنسلټنټس تقرري وكړې شي۔ وزیراعظم ووئيل د انفارمېشن ټیکنالوجی په اړه به هم غونډه كولې شي۔ د انفارمېشن ټیکنالوجۍ په څانګه كښې د پرمختګ لوئې ګنجائش شته۔ د آئي ټي په څانګه كښې د پرمختګ په اړه دې تګلاره وضع کړې شي ۔ وزیراعظم ووئيل د پي آئی اے پشمول په خساره روانو ادارو نجکارۍ په اړه چې كوم اقدامات شوې په هغې به عملدرآمد كولې شي۔ وزیراعظم ووئيل آؤټ سورسنګ په اړه يواځې د اسلام آباد په هوائي ميدان غور روان دے۔د لاهور هوائي ميدان سهولیات محدود شوي او مسافر د زياتو ستونزو سره مخ كېږي۔ د کراچۍ هوائي ميدان په اړه هم به غونډه رابللې شي او په اقدامات به غور كولې شي۔ وزیراعظم ووئيل د چین سفیر سره ما د داسو دوره كړې۔د چین انجینئرز او کاركنانو سره ملاقات شوے او هغوې له ما تسلي وركړې،ده ووئېل د چين پلاوي د خارجه او كورنيو چارو وزير سره هم ملاقاتونه شوي۔مړه شوي كسان د ایئرفورس الوتكې د لارې چین ته رسولې شوي۔ صوبو سره په ګډه به د چین انجینئرز او کاركانانو امنيت ټينګولې شي۔
د ججانو په خط سپریم کورټ از خود کارروائي کوي، خطونو كښې د ترلاسه شوو مشکوك پاؤډر د معاملې پلټنې كېږي،بايد په دې سیاست ونه كړے شي۔ د وزیراعظم محمد شهبازشریف د وفاقي کابینې غونډه كښې خبرې
متعلقہ مضامین
