اسلام آباد 27 اکتوبر (اے پي پي) د اطلاعات او خپرونو وفاقي وزير مرتضيٰ سولنګي وئيلي دي په کشميريانو د ظلم تاريخ په لسيزو خپور دے، هند په 27م اکتوبر كال 1947 كښې په جمو و كشمير غېر قانوني قبضه كړې٬ هند د ملګرو ملتونو د سلامتي كونسل د قراردادونو خلاف ورزي او د خپل آئين نه د سرغړونې مرتكب دے٬ به جبر زياتېدو په كشميريانو كښې د آزادۍ تنده او جذبه زياته شوې٬ د نړۍ يو طاقت دا جذبه نشي ختمولې۔ د دې خيالاتو څرګندونه ده د جمعې په ورځ د هند په غېر قانوني تسلط لاندې د جمو و كشمېر اولس سره د يووالي څرګندونې په لړ كښې لاريون ته خپلې وېنا كښې وكړه۔ وفاقي وزير ووئيل د هند په غېر قانوني تسلط لاندې د جمو و كشمير په اولس د ظلم تاريخ 177 كاله پخوانے دے كله چې په كال 1876 كښې انګريز سامراج دا منطقه په 75 لكه روپۍ په ډوګره راجه ګلاب سنګھ خرڅه كړې وه۔ ده ووئيل د نن نه 76 كاله وړاندې هند په كشمير جبراً قبضه كړې او دا جبر او ظلم د ھغه وخت نه روان دے۔ ده ووئيل د جبر زياتېدو سره په كشميريانو كښې د آزادۍ تنده او جذبه زياته شوې٬ د نړۍ يو طاقت دا جذبه نشي ختمولې۔ د دې نه وړاندې وفاقي وزير د تورې ورځ په موقع كشميريانو سره د يووالي څرګندونې لپاره په لاريون كښې ګډون وكړو كوم چې د خارجه وزارت څخه په پېل كېدو په ډي چوك ختم شو ۔ په لاريون كښې د اطلاعات وفاقي سېكرټري ظهور احمد هم ګډون كولو
په کشميريانو د ظلم تاريخ په لسيزو خپور دے٬ د جبر په زياتېدو كشميريانو كښې د آزادۍ تنده او جذبه زياته شوې٬ د نړۍ يو طاقت دا جذبه نشي ختمولې۔ د وفاقي وزير مرتضيٰ سولنګي لاريون ته وېنا
مضمون کا ماخذ : پاور بال کی پیشن گوئی
متعلقہ مضامین
.jpg)
