اسلام آباد 25 فروري (اے پي پي) د اطلاعات او خپرونو وفاقي وزير سېنېټر شبلي فراز وئيلي دي ن ليګ عمر له د درغلې او فراډ د لارې ټاكنې مېنېج كړي، د اپوزيشن دلائل د ن ليګ د وروستو پاتې ذهن عكاسي كوي، دوي دا ګڼي چې د ټاكنو ګټلو پېدائشي حق هم دوي لري، چې كوم اعتراضات شوي ، هغه د ن ليګ د مائڼد سېټ په بنياد وو، د اپوزيشن د وكيل په دلائلو كښې كوم ثبوت نه ؤ ، د كال 2013م او د نن په ټاكنو كښې فرق دے، دوي د خلقو ضمير اخستو لپاره پېسه خرڅ كوي ، اپوزيشن ته به په منافقانه رويه قام له ځواب وركول وي. ده دا خبرې د زيارت په ورځ د وزيراعظم خاص مرستيال عثمان ډار او د پي ټي آئي لارښود علي اسجد ملهي سره يو ځاے د ټاكنو كميشن په وړاندې مېډيا سره په خپلو خبرو كښې وكړې. د اطلاعات او خپرونو وفاقي وزير ووئيل د ټاكنو په كميشن كښې د اورېدنې په مهال د اپوزيشن وكيل د مفروضو په بنياد اعتراضات كړي، دوي ټاكنې ګټل خپل پېدائيشي حق ګڼي. د دوي په دلائلو كښې نه كوم ثبوت ؤ او نه كوم دليل. ده ووئيل كوم اعتراضات چې شوي ، هغه د ن ليګ د مائڼد سېټ عكاسي كوي. ده ووئيل ن ليګ په تېر وخت كښې تل د درغلې او فراډ د لارې ټاكنې مېنېج كړي. دوي په ټاكنو كښې هر څه جائز ګڼي. وفاقي وزير ووئيل د چا په خواهش په پوره حلقه كښې ټاكنې نه شي كېدے، چې په كومو پولنګ سټېشنو اعتراض نشته هلته بيا ولې ټاكنې وكړې شي. ټاكنې د اولس د ټېكس په پېسو كېږي. وفاقي وزير ووئيل مونږ د انتخابي درغلې په ضد د كال 2013م څخه خپلې هڅې پېل كړې. د هغه وخت په الېكشن كميشن او د نن په الېكشن كميشن كښې فرق دے. نن په الېكشن كميشن كوم فشار نشته، دا خپلواكه اداره ده. ده ووئيل مسلم ليګ ن د 20 پولنګ اسټېشن د ري پولنګ وئيلي وو ، وزيراعظم د دوي چېلنج قبول كړو خو اوس دوي خپل دريځ بدلوي. په دې موقع د وزيراعظم خاص مرستيا عثمان ډار ووئيل مريم نواز د پاكستان ادارې متنازعه كوي. كله چې دوي د خپلې خوښې پرېكړه ترلاسه كول غواړي نو دړكې وركوي . ده ووئيل د ټاكنو كميشن چې كومه پرېكړه وكړي ، مونږ به هغه منو. ده ووئيل مريم نواز د وزيرآباد په ټاكنو كوم اعتراض نه لري ځكه چې هتله دوي بريالي شوي. (amr/zia/1757).
ن ليګ عمر له د درغلې او فراډ د لارې ټاكنې مېنېج كړي. د اطلاعات او خپرونو وفاقي وزير سېنېټر شبلي فراز د عثمان ډار او علي اسجد ملهي سره يوځاے مېډيا سره خبرې
مضمون کا ماخذ : پاور بال جیک پاٹ
متعلقہ مضامین
