کراچی۔30جنوری (اے پی پی):گھوٹکی توں کراچی تئیں مارچ کریسوں ، سندھ دے ہر گھر تئیں اساں پڄݨا اے انہاں کوں آپݨے اختیار تے آئینی حق کیتے کھڑا ہووݨ دی دعوت ݙیوݨ ویندے پیوں ،2023 اچ پی ٹی آئی سندھ اچ حکومت بݨا تے ݙکھیسی ، جے کراچی اچ حالات ٹھیک نہ ہوون تاں ملکی معاشی حالات ٹھیک نی تھی سڳدے ،کراچی کوں ٹھیک کرݨ کیتے کراچی تے قابض پیپلزپارٹی کوں فارغ کرݨا پوسی ، اے ڳال پاکستان تحریک انصاف دے مرکزی سیکرٹری جنرل و وفاقی وزیر اسد عمر اتے پی ٹی آئی سندھ دے صدر و فاقی وزیر سید علی حیدرزیدی پی ٹی آئی سندھ دی ایڈوائزری کمیٹی دے اجلاس دے بعد پریس کانفرنس ت??ں خطاب کریندے ہوئیں آکھی اے ، ایں موقع تے وفاقی وزیر میاں محمد سومرو، امیر بخش بھٹو،سندھ اپوزیشن لیڈر حلیم عادل شیخ، غوث علی شاہ شریک، آفتاب صدیقی، خرم شیرزمان وی موجود ہن۔پی ٹی آئی دے مرکرزی سیکرٹری جنرل و وفاقی وزیر اسد عمر آکھیے جو انشاء اللہ 2023 اچ صوبہ سندھ اچ تحریک انصاف دی حکومت ہوسی ، تے ایں کیتے وݙے مربوط طریقے نال کم شروع تھی چکے ، سندھ اچ پچھلے 13 سال توں عوام دے نال جیڑھا ظلم تھئے ایں ظلم کوں ݙیکھ تے ہر پاکستانی کوں تکلیف تھیندی اے ۔ اسد عمر آکھیے جو پہلی دفعہ پاکستان دی تاریخ اچ ریاست صحت دیاں سہولتاں ݙیوݨ دی ذمے و??ری گھندی پئی اے تے پورے ملک اچ صحت کارڈ ݙتے ویندے پئن لیکن سندھ حکومت ایں کیتے تیار کائنی ۔پی ٹی آئی دے مرکزی سیکرٹری جنرل آکھیے جو سندھ دے عوام جیں تکلیف توں گزردے پئن ، پورے پاکستان اچ اتنے خراب حالات تساکوں کتھائیں نظر نہ آسن۔
سندھ اچ سیاسی جماعت دی نی، مافیا دی حکومت اے ،کراچی کوں ٹھیک کرݨ کیتے قابض پیپلزپارٹی کوں فارغ کرݨا پوسی ،وفاقی وزرا اسدعمر اتے سید علی حیدرزیدی دا پریس کانفرنس توں خطاب
مضمون کا ماخذ : مڈاس گولڈ
متعلقہ مضامین
