اسلام آباد21جون (اے پي پي) د اقتصادي چارو وفاقي وزير عمر ايوب خان وئيلي دي د مسلم ليګ (ن) حکومت د برېښنا، ګاز، اېل اېن جي، ايکسچينج رېټ پشمول نورو څانګو كښې هېواد ته د سلګونو اربه روپو زيان رسولے او هم دغه كاركردګي ئې مونږ لپاره د مائن سرنګونه ثابت شوي، د وزيراعظم عمران خان په مشرۍ كښې د پاکستان تحريګ انصاف حکومت اقتدار ترلاسه كولو سره اقتصادي اصلاحات كړي چې په سبب ئې هېواد ته د اربونو ډالرو ګټه رسېدلې، دوي 24 روپۍ يونټ بيعه د تجديد وړ توان لپاره مقرر كړې وه ٬ مونږ دغه بيعه 6 روپو ته راوستلې او بيا مو د تجديد وړ توان منصوبه پېل كړې ، د کرونا له امله د نړۍ يو شمېر هېوادونو كښې ټېكس ټو جي ډي پي تر 13 فيصده زياته شوې او د پاكستان ټېكس ټو جي ډي پي يوازې 1.7 فيصد زياته شوې ٬ اوسنے حكومت په پور اغستلو د ماضي د واكمنو اخستے پور خلاصولو ته مجبور دے، مونږ د ماضي خبره نه كول غواړوخو ھغوي مونږ په دلدل كښې راګېر كړې يو ٬ مونږ به خلق د رېښتنې صورتحال نه ضرور خبروٶ٬ دوي ځكه په ېره كښې دي چې دوي ته معلومه ده چې د كاركردګۍ په بنياد به د پاكستان اولس بيا تحريك انصاف له ووټ وركوي۔ د ګل په ورځ د اقتصادي چارو وزير عمر ايوب خان د شهباز شريف او بلاول بھټو د بجټ وېناګانو په حقله قامي اسمبلۍ كښې ووئيل د رښتيا وئېلو لپاره د كوم دليل وړاندې كولو حاجت نه وي٬ د دواړو شخصياتو ګوندونه په اقتدار كښې پاتې دي خو دوي حقائق ګډوډ وړاندې كړي او د كال 2018 په ټول ټاكنو كښې هم دوې په دروغو وئېلو اولس مسترد كړي او د خېبرپښتونخوا اولس خو تحريك انصاف له په دوېم ځل په اكثريت سره كاميابيوركړې ۔ ده ووئيل په كال 2013 كښې حكومت خزانه ديواليه كړې ٬ دغسې د كال 2018 د فرورۍ د 14مې نيټې ورځپاڼو خپل راپور كښې ليكلې دي د مسلم ليګ (ن) حكومت كوم هدف ترلاسه نه كړے شو او د كال 2018 د منصوبه بندۍ كمېشن په راپور كښې وئيلي شوي حكومت د صوبو ترمېنځه همكاري رامخې ته نه كړه۔ ده ووئيل سړكونو٬ ګاز٬ اوبه او د خدمات نورو څانګو ته ئې پام لرنه نه ده كړې چې په سبب ئې دوي د كال 2018 الېكشن بېللے او نن اپوزيشن كوي۔ده ووئېل د ماضي واكمنو معاشي اصلاحات نه دي كړي چې په سوب ئې د هېواد معيشت ته زيان رسېدلے٬ دوي پخپل دور كښې د پي ټي آئي راتلونكي حكومت لپاره د مائن سرنګونه جوړول٬ د دوي درآمدي پاليسۍ هېواد ديواليه كړے ٬ كله چې مونږ ته حكومت وسپارلے شو نو ګرنټ اكاٶنټ خساره 20 اربه روپۍ وه۔ عمر ايوب ووئيل د دوي په دور كښې كرونا نه وه د ھغه وخت د بجټ خساره د جي ډي پي 5.5 فيصده وه٬ د كال 2018 د منصوبه بندۍ كمېشن په راپور كښې هر څه واضح دي۔ ده ووئيل سږ كال ګرځنيده قرض د مسلم ليګ (ن) د دور په مقابل كښې سل اربه روپۍ د كال كم دے٬ مونږ ګران پلانټس بند كړل او په اصلاحاتو كولو سره مو بچت وكړو۔ ده ووئېل دوي پخپل دور كښې د شپږو روپو يونټ برېښنا پېدا كوٶنكې كارخانې بندې كړي او د 14 او 15 روپو يونټ برېښنا ئې اغستې ٬ د دوي انا او هپواد دې حال ته رسولے۔ ده ووئيل مونږ په تېرو دوو كالو كښې په ټرانسميشن لائنونو 49 اربه روپۍ خرڅ كړي چې په سبب ئې اوس زمونږ ټرانسميشن لائن د 25 زره مېګاٶاټ پیټے پورته كولے شي۔ ده ووئيل په كال 2017 كښې دوي د كوم سكيورټي اېګريمنټ نه بغېر د برېښنا لوظنامه د پنجاب حكومت د لارې كړې ھغه وخت پوهانو ووئيل چې دا كارخانه به 90 فيصده بنده وي او دغسې د 80 اربه روپو زيان وشو٬ دوي د اېل اېن جي ګرانې لوظنامې كړي او د ګاز استعمال لپاره ئې د برېښنا څلور كارخانې لګولي او په دې كارخانو دا لازمه وه چې 70 فيصده اېل اېن جي به اخلي۔ ده ووئيل قطر سره دوي د 13.3 فيصد او 11 فيصد برينټ لوظنامې كړي او د دغې په كلنه توګه 50 اربه روپۍ په معيشت اثرات مرتب كېږي٬ د اېل اېن جي لوظنامه داسې شوې وه چې كه ګاز استعمالېږي او كه نا هره ورځ به 5 لكه ډالرهوركول وي۔ ده ووئيل د مسلم ليګ (ن) حکومت د ايکسچينج ريټ پحقله هېواد ته 23 اربه ډالره زيان رسولے۔۔ ده ووئيل دوي د بجټ نه ځكه ېرېږي چې 60 لكه كم آمدن لرونكو كورنيو له به د سود نه غېر قرض وركولے شي او په كليواليو سيمو كښې به كروندګرو ته تر 2.5 لكه روپو د سود نه غېر قرض وركولے شي او زرعي آلات لپاره به تر دوه لكه روپو قرض وركولے شي۔ ده ووئيل د سندھ واكمنو خو يو پراجيکټ مينجمنټ يونټ جوړ نه كړو٬ مونږ بھاشا ديامير او داسو بندونو لپاره سل اربه روپۍ بېلې كړي٬ د هېلت كارډ د لارې به هره كورنۍ تر لس لكه وېړيا درملنه كولې شي٬ دغسې كامياب پاكستان پروګرام لپاره لس اربه روپۍ بېلې كړې شوي ۔
د مسلم ليګ (ن) حکومت هېواد ته د سلګونو اربه روپو زيان رسولے۔ د اقتصادي چارو وفاقي وزير عمر ايوب خان
مضمون کا ماخذ : estatisticas para ganhar na loteria
متعلقہ مضامین
