اسلام آباد 14 اكتوبر ﴿اے پي پي﴾خارجه وزير شاه محمود قرېشي وئېلي دي المان د پاكستان لويې تجارتي شراكتدار دے٬ دواړه هېوادونه د پخوا څخه ښې اړيكې دي٬په پاكستان كښې د امنيت صورتحال ښه كېدو سره د المان سرمايه كارو لپاره پاكستان كښې د سرمايه كارۍ ښې موقعې شته ۔ده دا خبرې د زيارت په ورځ د پاكستان او المان د سفارتي اړيكو د 70مې سالګرې په موقع په خارجه وزارت كښې راجوړې دستورې ته په خپله وېنا كښې وكړی۔خارجه وزير ووئيل د كال 1951 نه پاكستان او المان ډېر مزل كړے۔پاكستان المان سره په سفارتي اړيكو جوړونكو وړومبو آسيائي هېوادونو كښې شامل ؤ ٬پاكستان او المان د پخوا څخه ژورې دوه اړخيزه اړيكې لري۔خارجه وزير ووئيل زمونږ قامي شاعر ډاكټر علامه محمد اقبال يوه پیړۍ وړاندې په هيډل برګ او ميونخ كښې زده كړی ترلاسه كړی وې۔ډاكټر علامه اقبال د المان كلتور او اولس معترف ؤ ۔خارجه وزير ووئيل د جزام په مقابل كښې د يوې پاكستانۍ المانۍ ډاكټرې روته فاؤ مثالي كار د دې خبرې ثبوت دے چې انسانيت حدود او قيود نه لري۔په المان كښې مېشته پاكستانيان په ګڼو څانګو كښې مهم او مثبت كردار ترسره كوي۔ ده ووئېل د پاكستان زده كوونكي لوړو زده كړو لپاره المان ته ترجيح وركوي۔
المان د پاكستان لويې تجارتي شراكتدار دے٬ دواړه هېوادونه د پخوا څخه ښې اړيكې لري۔د خارجه وزير شاه محمود قرېشي د پاكستان او المان د سفارتي اړيكو د 70مې سالګرې په موقع دستورې ته وېنا
مضمون کا ماخذ : اسٹریٹیجیا لاٹوفاسیل
متعلقہ مضامین
