اسلام آباد 08 جون (اے پي پي) قامي اقتصادي كونسل د مېكرو اكنامك فرېم ورك د كلن پلان 23-2022م د راتلونكي مالي كال د معاشي شرح نمو پشمول د اهداف منظوري وركړې او وزيراعظم محمد شهباز شريف وئيلي دي په بنيادي ودانې او انتظامي چارو كښې بهتري، بلا تعطل او ارزان توان، معياري تعليم او د روغتيا بنيادي اسانۍ د حكومت ترجيح ده، د ضرورت د څيزونو وركړه او د ګرانې كمولو هڅه دې وكړې شي، د غريبو سيمو پرمختګ لپاره دې خاص پروژې پېل كړې شي. ده دا خبرې د شورو په ورځ د قامي اقتصادي كونسل د غونډې مشري كولو په مهال وكړې. وزيراعظم ووئيل د قامي اقتصادي فورم د قومي وحدت مظهر دے او د دې بنيادي مقصد د مربوط هڅو د لارې وفاق قوي كولو لپاره قامي همغږي زياتول دي. بايد قامي اقتصادي كونسل عدم مساوات په نظر كښې وساتي او دا د وفاق او صوبو ذمه واري ده چې متوازن سيمه ايز پرمختګ لپاره خپل كردار ترسره كړي. وزيراعظم ووئيل د تېر وخت غېر دانشمندانه پاليسي اقداماتو په وجه داسې صورتحال پېدا كړے شوے چې بهرنيو او كورنيو چېلنجونو معاشي استحكام خطر سره مخ كړے. زمونږ حكومت ته په ورثه كښې داسې معيشت په لاس راغلے كوم چې يو شمېر چېلجونو سره مخ دے. ده ووئيل حكومت معيشت په سم پلو روان كړے، عدم توازن سمولو لپاره ئې هم اقدامات كړي. ده ووئيل د خلقو روزګار او د ژوند معيار ښه كول زمونږ د حكومت په ترجيحاتو كښې شامل دي. وزيراعظم ووئيل په بنيادي ودانې او انتظامي چارو كښې بهتري، بلا تعطل او ارزان توان، معياري تعليم او د روغتيا بنيادي اسانۍ وركولو ته حكومت پام لرنه كوي ، د ضرورت د څيزونو وركړه او د ګرانې كمولو هڅه دې وكړې شي، د غريبو سيمو پرمختګ لپاره دې خاص پروژې پېل كړې شي. ده ووئيل حكومت د نړيوال معاشي ماحول او د هېواد د حالاتو په وجه د پېدا شوو كشالو څخه ښه خبر دے، حالات سخت ضرور دي خو ناقابل تسخير نه دي، مونږ د دې كشالو حل كولو عزم لرو او ټول ضروري اقدامات كوو. ده ووئېل په يو شمېر څانګو كښې زمونږ د هڅو نتيجې راكخې ته كېدل پېل شوي. مونږ باور لرو چې مستحكم معيشت او د امنيت ماحول په ټوله نړۍ او منطقه كښې د امن او خوشحالې ضامن دے. په غونډه كښې د منصوبه بندې وزارت د قومي اقتصادي كونسل د كلن پلان 22-2021م جائزه وړاندې كړه او د كال 23-2022م د اهدافو په اړه ئې تفصيلي بريفنګ وركړو. كونسل د مالي كال 23-2022 د كلن اهداف منظوري وركړه، د معاشي نمو هدف 5 فيصد ساتلې شوے چې 6 فيصد ته د رسولو هڅه به ئې كولې شي. كونسل د مېكرو اكنامك فرېم ورك پلان 23-2022م منظوري هم وركړه. وزيراعظم هدايت وكړو چې د ضرورت د څيزونو وركړه او د ګرانې كمولو هڅه دې وكړې شي، د غريبو سيمو پرمختګ لپاره دې خاص پروژې پېل كړې شي.د كركيلې څانګې پرمختګ ته دې خاص پام وكړے شي. كونسل ته د پرمختيائي بجټ 22-2021 جائزه هم وړاندې كړې شوه. كونسل مالي كال 23-2022م لپاره د 800 اربه روپو د پرمختيائي بجټ بېلولو تجويز منظور كړو.دغسې كونسل پرېكړه وكړه چې په پرمختيائي بجټ كښې 60 فيصده به په روانو پروژو او 40 فيصده به په نويو پروژو خرڅ كولې شي. وزيراعظم ووئيل د غريبو سيمو پرمختګ لپاره دې خاص پروژې پېل كړې شي چې پكښې د بلوچستان ضلعې هم شاملې وي. وزيراعظم دا هدايت هم وكړو چې په پي اېس ډي پي كښې دې مهمې او لوئې پروژې شاملې كړې شي كومې چې د هېواد په پرمختګ كښې مرسته وكړي. كونسل د پرمختيائي فورمونو چې پكښې سي ډي ډبليو پي، اېكنك او ډي ډي ډبليو پي شامل دي، د پرمختيائي پروژو د منظورې د نظرثاني شوو اختياراتو منظوري هم وركړه
د وزيراعظم محمد شهباز شريف په مشرې كښې د قامي اقتصادي كونسل غونډه ، په غونډه كښې راتلونكي مالي كال لپاره د معاشي شرح نمو پشمول د اهداف منظوري وركړې شوه
مضمون کا ماخذ : ایزٹیک واریر شہزادی
متعلقہ مضامین
