اسلام آباد۔3جنوری(اے پی پی)وزیراعظم محمد شہب??ز شریف فتنہ الخوارج دا مکمل صفایا کرݨ دا عزم دوہریندے آکھیے جو پاکستان دی ترقی و خوشحالی کیتے رل تے اے فتنہ مکیسوں۔ اے ڳالھ انہان اسلام آباد اچ نیشنل ایکشن پلان دی اپیکس کمیٹی دے اجلاس نال خطاب اچ آکھی۔ اجلاس اچ وفاقی وزرا، آرمی چیف، چارےں صوبیاں دے وزرائے اعلیٰ، چیف سیکریٹریز، وزیراعظم آزاد کشمیر، وزیر اعلیٰ گلگت بلتستان اتے اعلیٰ حکام شرکت کیتی۔ وزیراعظم پاکستان دے سلامتی کونسل دے غیرمستقل رکن دی حیثیت نال ذمہ داریاں سنبھالݨ تے مبارک ݙیندے آکھیے جو پاکستان ایں ذمہ داری سانڳے انٹرنیشنل ڈپلومیسی اچ اپݨی پوری استعداد نال ودھ کردا?? ادا کریسی اتے عالمی امن کیتے اپݨا پور?? سفارتی کردا?? ادا کریسوں۔ اجلاس اچ ݙسایا ڳیا جو صوبیاں اچ سی ٹی ڈی کوں مضبوط کیتا ویندا پئے، پولیس کوں جدید تربیت، ٹیکنالوجی اتے آلات ݙیوݨے ہوسن، میرٹ تے بھرتیاں کرݨیاں ہوسن، ایں ویلھے ڄݙاں دشمن مذموم مقاصد کیتے گھات لائی بیٹھے، اے اقدامات اہم ہین۔ خیبرپختونخوا اچ خارجی گھس بیٹھیے ملک دے امن دے دشمن ہین، سرحد پار توں کڄھ ݙینھ پہلی ڄیڑھا حملہ تھئے ایندا منہ ٻھن ولدا ݙتا ویسی، بلوچستان اچ پاکستان دے خلاف تھیوݨ آلیاں سازشاں اچ وی خارجی ہتھ ملوث اے، پاکستان دی ترقی و خوشحالی دا خواب اوں ویلھے سچا تھی سڳدے ڄݙاں سارے صوبے، وفاق، گلگت بلتستان اتے آزاد کشمیر اچ امن وامان دی صورتحال بہتر ہووے، ویلھا آڳئے جو فتنہ الخوارج دا مکمل صفایا کروں، ایندے کیتے وفاق، صوبیاں اتے دفاعی اداریاں کوں رل تے مربوط حکمت عملی اپناوݨی ہوسی، میݙے کیتے قومی مفاد اڳونہا اے، ذاتی پسند ناپسند کڄھ وی نئیں، ڄیکر ایں سوچ تے ٹروں تاں کڄھ وی ناممکن کائنی۔ انہاں آکھیا جو ڈیجیٹل محاذ تے پاکستان توں ٻاھرو بیٹھے دوست نما دشمن اتے ایجنٹ ڄیڑھے زہر اگلیندن اتے پاکستان دے خلاف سوشل میڈیا تے مہم چلیندن، اے ہک وݙا چیلنج اے جو کوڑ اتے حقائق مسخ کرتے پاکستان دے خلاف ماحول ٻݨایا ویندا پئے، اسلام آباد تے جیڑھی یلغار کیتی ڳئی اے ایندی اݙ اچ کوڑا بیانیہ ٻݨایا ڳئے، ایندا مقابلہ نا کیتا ڳیا تاں ساریاں کوششاں ونڄیڄ ویسن، ایں سانڳے وفاق اقدامات کریندا پئے اتے صوبیاں کوں وی کردا?? ادا کرݨا ہوسی۔ وزیراعظم اسلام آباد اچ احتجاج دی اݙ اچ رینجرز دے شہید جواناوں بارے کوڑیاں کہانیاں کھنݙاوݨ تے افسوس کریندے آکھیے جو مسلح افواج، پولیس اتے قانون نافذ کرݨ آلے ادارے لازوال ق??با??یاں ݙیندے پین ڄیکوں ضائع نا تھیوݨ ݙیسوں، پاکستان انہاں ق??با??یاں پاروں ہی قائم رہسی، اسان سارے رل تے اے فتنہ مکیسوں اتے پاکستان کوں ترقی دی راہ تے سٹ ݙیسوں۔
وزیراعظم دی اڳواݨی اچ نیشنل ایکشن پلان دی اپیکس کمیٹی دا اجلاس، فتنہ الخوارج دا مکمل صفایا کرݨ دا عزم
مضمون کا ماخذ : کمپیوٹر لاٹری کے نتائج
متعلقہ مضامین
