اسلام آباد۔13اگست (اے پی پی):ترجمان دفتر خارجہ زاہد حفیظ چوہدری آکھیے جو پاکستان خطے اچ امن تے خوشحالی دے سانجھے مقصد دے حصول سانگے امریکہ دے ساتھ وسیع الابنیاد تعلقات چاہندے ۔جمعے کوں ہفتہ وار بریفنگ اچ دفتر خارجہ دے ترجمان آکھیے جو پاکستان امریکہ کوں نیڑے دا یار سمجھدے،ݙوہیں ملکاں دے نیڑے سانجھے تعاون دی تاریخ اے ، جیں ݙوہیں ملکاں دے مفادات کوں پورا کیتے ، ترجمان آکھیے جو ݙوہیں ملکاں دے افغان امن عمل سودھے ٻہوں سارے اہم امور تے خیالات تے مفادات اچ مماثلت پاتی ویندی اے ۔ݙوہیں ملک سمجھدن جو افغان جھیڑے دا کوئی فوجی حل کائنی تے ݙوہیں افغانستان اچ امن ݙیکھݨ چاہندن ۔ترجمان آکھیے جو پاکستان اتے امریکہ ݙوہیں افغان عوام اتے افغان حکومتی سرپرستی اچ افغانستان اچ ھک ج??مع ، وسیع البنیاد اتے ج??مع سیاسی تصفیے دے عمل دی حمایت کریندن ۔ ترجمان آکھیے جو اساں لین دین دے تعلقات دے بجائے طویل المدتی ، وسیع البنیاد ، ج??مع اتے سانجھے فیدہ مند شراکت داری قائم کرݨ چاہندن ۔ترجم??ن واضح کیتے جو پاکستان صرف ایجھے فیصلے تے ایجھیاں پالیسیاں اپنیسی جیڑھا جو اساݙے قومی مفاد اچ ہوون تے جیڑھے خطے اتے ایندے توں باہر امن اتے خوشحالی اچ کردار ادا کرن ۔دوحہ اچ پاکستان ، امریکہ ، چین اتے روس دے خصوصی ایلچیاں سودھے توسیعی ٹرائیکا اجلاس دے حوالے نال ھک سوال دا جواب ݙیندے ہوئیں ترجمان آکھیے جو اجلاس کل 11 اگست کوں دوحا اچ منعقد تھیا ۔توسیعی ٹرائیکا دے اراکین افغانستان اچ سکیورٹی دی وڳڑدتی صورتحال اتے ھک ج??مع سیاسی تصفیے دے حصول اتے افغانستان اچ کئی دہائیاں توں جاری جھیڑے کوں مکاوݨ کیتے بین الافغان امن مذاکرات اچ تیزی گھن آوݨ متعلق امور تے ڳال مہاڑ کیتی ۔
پاکستان خطے اچ امن اتے خوشحالی دے سانجھے مقصد دے حصول سانگے امریکہ دے نال وسیع الابنیاد تعلقات چاہندے ،ترجمان
مضمون کا ماخذ : کڑک
متعلقہ مضامین
