اسلام آباد 12جولائي (اے پي پي)د وزيراعظم محمد شهباز شريف په بلنه د آذربائيجان صدر الهام عليوف د 11 نه تر 12 جولائي د پاكستان سركاري دوره وكړه ٬د صدر په پلاوي كښې د دفاع٬دفاعي صنعت٬اقتصاديات٬ډيجيټل ډوېلپمنټ او ټرانسپورټ او نائب خارجه وزير شامل وو۔د جمعې په ورځ د خارجه دفتر لخوا جاري شوي بيان له مخې د صدر عليوف وزيراعظم محمد شهباز شريف تود هركلے وكړو ۔وزيراعظم هاؤس ته په رسېدو هغه ته ګارډ آف آنر وړاندې كړے شو۔دغسې د آذربائيجان صدر په قومي يادګارونو د ګلونو څادر خپور كړو ۔د آذربائيجان صدر الهام عليوف د صدر مملكت آصف علي زرداري او وزيراعظم محمد شهباز شريف سره ملاقاتونه وكړل ٬دواړو ډلو د شريكې خوښې په ټولو څانګو او دوه اړخيزه مرستې په اړه د خيالاتو څرګندونه وكړه او د دوه اړخيزه اړيكو په ټولو دائرو كښې د مرستې لا قوي كولو خواهش ئې څرګنده كړو ۔دغسې وزيراعظم شهباز شريف او صدر الهام عليوف د پكستان او آذربائيجان ترمينځه د سټرټيجك شراكتدارۍ پخلے وكړو ٬دوي د دواړو هېوادونو ترمينځه د نزدې امنيت او دفاعي مرستې په اړه د اطمينان څرګندونه وكړه او د پاكستان٬آذربائيجان او تركيې ترمينځه درې اړخيزه د مشرانو غونډې طريقه كار ئې د درې واړو هېوادونو ترمينځه اړيكو كښې د يو نوې دور پېل وګرځولو۔بيان له مخې ډلو دوه اړخيزه تجارت او سرمايه كاري لا مخ په وړاندې بوتللو او توان٬انفراسټركچر٬رابطې او دفاعي صنعت په څانګو كښې شريكې د سرمايه كارۍ منصوبې رامخې ته كولو په اړه ئې اتفاق وكړو ۔وزيراعظم ووئېل د نورو لوظ نامو او پروټوكولز نه علاوه ترجيحي تجارتي لوظ نامې او ټرانزټ ټريډ ايګريمنټ تر سره كېدو نه پس د دواړو هېوادونو پرله پسې دوه اړخيزه تجارت له د ودې وركولو لپاره د خپلو ارادو څرګندونه وكړه ۔ د خارجه دفتر بيان تر مخه دواړو هېوادونو لارښودو ګڼ اړخيزه فورمز په خاص توګه د ملګرو ملتونو او او آئي سي هېوادونو ترمينځه د مرستې په كچه د اطمينان څرګندونه وكړه۔صدر الهام عليوف د جمو او كشمير په شخړه د آذربائيجان اصولي دريځ او د ملګرو ملتونو سلامتي كونسل اړوندو قراردادونو له مخې د كشميري اولس حق خود اراديت لپاره د ملاتړ پخلے وكړو ۔وزيراعظم محمد شهباز شريف او صدر الهاعليوف د دواړو فرېقېنو ترمينځه لوظ نامو او د مفاهمت په يادښتونو د لاس ليك دستوره كښې ګډون وكړو ۔بيان له مخې د قونصلر چارو٬نجكارۍ٬راهدارۍ او ترجيحي تجارت ٬قانوني مرستې ٬معدني وسائلو ٬كلتوري تبادلو او ادب٬انفارمېشن اينډ كميونيكېشن ټېكنالوجۍ٬خپرونو ٬سائنسي او تكنيكي مرستې٬سېلګرۍ٬فضائي خذمات٬د دواړو ښارونو او د وړوكې او مينځنۍ درجې انټرپرائز پرمختګ په څانګو كښې د مرستې په 15 لوظ نامو او د مفاهمت په يادښتونو لاس ليك وكړے شول ۔
۔
د وزيراعظم محمد شهباز شريف په بلنه د آذربائيجان صدر د 11 نه تر 12 جولائي د پاكستان سركاري دوره وكړه ۔د خارجه دفتر بيان
مضمون کا ماخذ : لوٹومینیا اکومولڈا
متعلقہ مضامین
.jpg)
