اسلام آباد۔17فروری (اے پی پی):بل اینڈ میلنڈا گیٹس فائونڈیشن (بی ایم جی ایف) دے شریک چیئرم??ن مسٹر بل گیٹس اڄ این سی او سی دا دورہ کیتے۔ بل گیٹس این سی او سی دے چیئرمین ا??د عمر اتے وزیر اعظم دے معاون خصوصی صحت ڈاکٹر فیصل سلطان نال ملاقات کیتی۔ بعد اچ مسٹر بل گیٹس آپݨے وفد نال این سی او سی دے سویلے تھیوݨ آلے اجلاس اچ شرکت کیتی ۔ بل گیٹس اتے انہاں دے وفد کوں این سی او سی دے کردار اتے طریقہ کار، وبائی امراض دے آغاز توں ہݨ تئیں دیاں کامیابیاں، پاکستان اچ اڄوکی کوویڈ 19 دی صورتحال اتے این سی او سی دی طرفوں بیماری دے کھنڈݨ تے قابو پاوݨ تے عوامی تحفظ تے فلاح و بہبود کوں یقینی بݨاوݨ کیتے مختلف این پی آئیز بارے ݙسایا ڳیا ۔ دورہ کرݨ آلے وفد کوں کوویڈ 19 دے خلاف حکومت پاکستان دیاں کوششاں دا جامع جائزہ پیش کیتا ڳئے ۔ دورہ کرݨ آلے وفد کوں جینوم سیکوینسنگ (ملک اچ مختلف قسم دا پھیلائو) بارے وی بریفنگ ݙتی ڳئی ۔ بل گیٹس این سی او سی دے مختلف اقدامات بالخصوص سمارٹ لاک ڈائون اتے مائیکرو سمارٹ لاک ڈائون حکمت عملی دے نفاذ دے اقدامات تے گہری دلچسپی ڳھدی تے پاکستان دی ویکسین ایڈمنسٹریشن رجیم جیں این سی او سی کوں کورونا دے حوالے نال ھک جامع ردعمل تیار کرݨ تے نافذ کرݨ دے قابل بݨائے ۔ مسٹر بل گیٹس کوویڈ 19 بالخصوص ویکسینیشن مہم تے آپݨے خیالات دا اظہار کیتا۔چیئرمین این سی او سی و وفاقی وزیر ترقی و منصوبہ بندی ا??د عمر بل گیٹس اتے انہاں دی فائونڈیشن دی پاکستان اچ کوویڈ 19 دے اقدامات دی حمایت کرݨ دیاں کوششاں دا اعتراف کیتا ۔بل گیٹس وسائل دیاں رکاوٹاں تے صحت عامہ دے تحفظ کیتے کوویڈ 19 دے خلاف بہترین اقدامات متعارف کراوݨ تے پاکستان دیاں کامیابیاں دی تعریف کیتی ۔
بل اینڈ میلنڈا گیٹس فاؤنڈیشن دے شریک چیئرمین بل گیٹس دا این سی او سی دا دورہ، این سی او سی دے سویلے تھیوݨ آلے اجلاس اچ وی شرکت کیتی
مضمون کا ماخذ : ریل رش
متعلقہ مضامین
