اسلام آباد۔8ستمبر (اے پی پی) وفاقی وزیر اطلاعات ، نشریات، قومی ور??ہ و ثقافت عطاءاللہ تارڑ آکھیے دہشت گردی مکݨ تئیں آرام نال نہ ٻہسوں ، پاکستان ??ہی?? وی خطرے نال نبݨݨ دی چنڳی صلاحیت رکھیندے ، پاک بحریہ سمندری حدود دی حفاظت سانڳے پرعزم اے، پاکستان دی بقا سانڳے پاک بحریہ دے نینگراں تے افسراں ٻہوں قربانیاں ݙتن ، شہداوطن اتے غازیاں کوں سلام پیش کریندوں ۔ اے ڳالھ انھاں یوم بحریہ دے موقع تے نیول ہیڈ کوارٹرز اچ یادگار شہدا تے حاضری دے بعد آکھی اے ۔ وفاقی وزیر اطلاعات آکھیے یوم بحریہ دے موقع تے یادگار شہدا تے حاضری میں سانڳے اعزاز اے۔ پاک بحریہ دے شہداءکوں خراج عقیدت پیش کریندے وفاقی وزیر آکھیے پاک بحریہ ملک دے دفاع سانڳے عظیم قربانیاں ݙتن ، 7 ستمبر 1965ءکوں پاک بحریہ آپریشن دوارکا شروع کیتا جیں اچ پاک بحریہ دے بہادر افسراں تے نینگراں پاکستان دی بقا سانڳے دشمن دے اہداف کوں نشانہ بݨایا تے آپݨی جان دیاں قربانیاں ݙتیاں ۔ آپریشن دوارکا ساݙا تاریخ دا سنہرا باب اے،1965ءاچ دشمن دے ناپاک عزائم کوں مٹی اچ رلاوݨ سانڳے پوری قوم ھک مٹھ تھی چکی ہئی، پاک فضائیہ، پاکستان آرمی اتے پاک بحریہ ملکی دفاع سانڳے جیڑھا کردار نبھائے او اڄ تاریخ دا ح??ہ اے ، آپریشن دوارکا نہ صرف دشمن دی صلاحیت کوں گھٹایا ، دشمن دے اہداف کوں نشانہ بݨایا بلکہ ساݙی سرحداں کوں محفوظ بݨاوݨ اچ اہم کردار نبھائے ۔ وفاقی وزیر آکھیے دہشت گردی دے خلاف جنگ اچ پاک بحریہ دا کردار لائق تحسین اے، پاک بحریہ دے جونیئر افسراں تے کمانڈوز دہشت گردی دے خلاف بے پناہ قربانیاں ݙتن۔ انہاں آکھیے 8 ستمبر پاک بحریہ دے ناں اے ،اڄ پورے پاکستان اچ بحریہ کوں خراج تحسین پیش کرݨ سانڳے اے ݙینھ منایا ویندا پئے انھاں آکھیے دہشت گردی دے خلاف جنگ اچ مسلح فوج ، حکومت اتے عوام دے حوصلے اُچے ہن ، اساں شہداءدی قربانیاں کوں ضائع نہ ونڄݨ ݙٰسوں ، شہداءدے لواحقین دے حوصلے ٻہوں اُچے ہن ، ایمان، حوصلے اتے ہمت دا جذبہ 6 ستمبر کوں وی اتنا اُچا ہئی جتنا اڄ اے ، دہشت گردی دا سر کچلݨ تئیں اساں آرام نال نہ ٻہسوں ، ملک دیاں سرحداں محفوظ بݨیسوں ، عزم استح??ام سانڳے اساں ایں وژن تے عمل کریندے پیوں ۔ وفاقی وزیر آکھیے موجودہ دور اچ بلیو اکانومی اہمیت رکھیندی اے ، ٻہوں سارے ملکاں نال ساݙا سانجھا تعاون چلدا پئے ، پاکستان اچ دنیا دی بہترین جھکے پاݨی دیاں بندرگاہواں ہن ، انھاں بندرگاہواں دے ذریعے اساں پورے وسطی ایشیاءکوں رسائی ݙے سڳدوں ، پاکستان دی معیشت دی بحالی، استح??ام اتے معاشی انقلاب برپا کرݨ سانڳے اساکوں بندرگاہواں دے حوالے نال پالیسی تے پوری توجہ ݙیوݨ دی لوڑھ اے ، حکومت وسطی ایشیائی ریاستاں نال رابطے ودھیندی پئی اے تیں توں اساں بلیو اکانومی توں فیدہ چیسوں تے سیف کورڈورز تئیں وسطی ایشیائی ریاستاں کوں رسائی ݙتی ونڄ سڳسی تاں جو ایندا فیدہ عام بندے تئیں پڄ سڳے ، مستقبل ٻہوں روشن اے۔ پاک بحریہ دا عزم استح??ام اتے بلیو اکانومی دے وژن اچ وݙا کردارہوسی او کوسٹل ایریاز اچ آپݨا کردار نبھیسی ، بندرگاہواں تے سرگرمیاں شروع تھی چکئن ، اے ساݙی معیشت دی بحالی سانڳے اہم سنگ میل ثابت تھیسی ، اساں دہشت گردی دی جنگ اچ نہ صرف متحرک ہیسے بلکہ دہشت گردی منڈھوں مکیسوں ، سی پیک دے ذریعے معاشی انقلاب برپا تھیسی، اساں سارے ہ??سا??ہ ملکاں نال چنڳے تعلقات چاہندوں۔ پاکستان ??ہی?? وی خطرے نال نبݨݨ دی صلاحیت رکھیندے ، ایندے توں پہلے وفاقی وزیر اطلاعات نیول ہیڈ کوارٹرز اچ یادگار شہداء تے حاضری ݙتی تے پھل رکھئے تے فاتحہ پڑھی ۔ وفاقی وزیر پاک بحریہ دے شہدااتے غازیاں کوں سلام پیش کیتے اتے شہدا دے خانداناں نال یکجہتی دا اظہار کیتے۔ ایں موقع تے پاک بحریہ دے افسرا تے نینگر وی موجود ہن۔
