اسلام آباد۔12جون (اے پی پی):وزیراعظم عمران خان اسلاموفوبیا دے ودھدے واقعات دے تناظر اچ ھک واری ول عالمی رہنماواں تے زور ݙتے جو سوشل میڈیا تے نفرت کھنڈاوݨ تے انتہاپسندی دے خلاف کریک ڈاؤن کیتا ونڄے ، نفرت کھنڈاوݨ آلی ویب سائٹس دے خلاف بین الاقوامی سطح تے کارروائی تھیوݨی چاہیدی اے، کجھ بین الاقوامی رہنما اتے مغ??بی ملکاں دی قیادت ایں معاملے کوں نی سمجھدے پئے ،آزادی اظہار رائے دی حد اتھاں تئیں اے جتھاں تئیں ݙوجھے انسان ایندے توں مجروح نہ تھیون ۔ اے ڳالھ انہاں لندن انٹاریو اچ مسلماناں کوں نشانہ ب??اوݨ تے اسلاموفوبیا دے ودھدے واقعات دے حوالے نال کینیڈین براڈکاسٹنگ کارپوریشن (سی بی سی) کوں ھک انٹرویو ݙیندے ہوئیں آکھی اے جیڑھا جو اڄ اتو??ر کوں نشر کیتا ویسی ۔واضح رہے جو لندن انٹاریو حملے اچ کینیڈا اچ رہݨ آلے پاکستانی خاندان دے 4 بندے جاں بحق تھی ڳئے ہن جݙاں جو ھک نو سالہ ٻال زخمی تھیا ہئی ، جنونی حملہ آور انہں تے ٹرک چڑھا ݙتا ہئی ۔ کینیڈا دی پولیس آکھیے جو پاکستانی خاندان کوں ایں کیتے نشانہ ب??ایا ڳے جو او مسلمان ہن۔ اے خاندان 2007 اچ پاکستان توں کینیڈا منتقل تھیا ہئی۔ وزیراعظم عمران خان واقعے دی ٹویٹر تے شدید مذمت کریندے ہوئیں اینکوں دہشت گردی قرار ݙتا تے تے مغ??بی ملکاں اچ سلاموفوبیا دے ودھدے واقعات تے تشویش دا اظہ??ر کیتا۔ ”سی بی سی” کوں انٹرویو اچ وزیراعظم عمران خان آکھیے جو پاکستان اچ ایں واقعے دا ٻہوں اثر تھئے ۔جیں اچ پاکستانی خاندان کوں نشانہ ب??ایا ڳیا ۔
سوشل میڈیا تے نفرت کھنڈاوݨ تے انتہاپسندی دے خلاف کریک ڈاؤن کیتا ونڄے، وزیراعظم عمران خان دا کینیڈین براڈکاسٹنگ کارپوریشن کوں انٹرویو
مضمون کا ماخذ : جیتنے والی لاٹری
متعلقہ مضامین
