اسلام آباد 17 جون (اے پي پي) د نېشنل ډيزاسټر مېنجمنټ اتهارټۍ ﴿اېن ډي اېم اے﴾ چيئرمېن لېفټېننټ جنرل محمد افضل په كراچې كښې د كورونا رنځورانو لپاره د بېلو كړو روغتونونو دوره كړې ۔ ده په دې موقع په خپلو خبرو كښې ووئيل د روغتونونو جاج اخستو سره د ضروري سامان وركولو په خاطر كراچې ته راغلے يم. د وزيراعظم په هدايت سندھ ته پكار ټول سامان وركولے شي. جنرل محمد افضل ووئيل ده ځان سره 70 آئي سي يو وېنټي لېټرز راوړي دي. اېن ډي اېم اے د 382 بېډز د آكسيجن سسټم پشمول ټول سامان وركوي. ده ووئيل 72 نور آئي سي يو وېنټي لېټرز به هم په دې كښې شامل شي. په اورنګي ټاٶن كښې به قطر روغتون ته 12 آئي سي يو وېنټي لېټرز ، 40 نېزل او 23 بائي پېپ وركولے شي۔ده ووئېل د نيو كراچي سركاري روغتون ته به 10 وېنټي لېټرز، 45 نېزل او 20 بائي پېپ وركولے شي. دغسې نورو روغتونو ته به هم سامان وركړے شي. ده ووئيل دا سامان به په راتلونكو 10 ، 15 ورځو كښې د سندھ حكومت ته وسپارلے شي
د اېن ډي اېم اے چيئرمېن لېفټېننټ جنرل محمد افضل په كراچې كښې د كورونا رنځورانو لپاره د بېلو كړو روغتونونو دوره وكړه
مضمون کا ماخذ : میگا مولا۔
متعلقہ مضامین
