اسلام آباد 23 مئي (اے پي پي) صدر ډاکټر عارف علوي پاکستان د موجوده ستونزو نه بهر كولو لپاره قامي ترجيحات ته د نظرثاني كولو په حاجت زور رواړولو سره وئيلي دي هېواد د سماجي، اقتصادي او سياسي ستونزو نه بهر كولو لپاره په قامي ترجيحات نظر ثاني ضروري ده، د ټولو ادارو د مشرانو ذمه واري ده چې ھغوي د چېلنجونو مخنيوي ته پام وكړي۔ د ايوان صدر پرېس ونګ لخوا د جاري بيان له مخې صدر مملکت دا خبرې د سينئر آفيسرز ليډرشپ کورس ګډون كوٶنكو سره كړې چا چې د نهې په ورځ دوي سره په ايوان صدر كښې ملاقات كولو۔ صدر مملکت ووئيل د صحت او تعليم سهولتونه وركولو او د معاشرې څخه د عدم مساوات خاتمې لوي چېلنجونه رامخې ته دي٬ په غربت قابو موندل، د معيشت بهترۍ، په آبادۍ كښې د زياتوالي لاره نيولو ته به پام ګرځول وي۔ صدر په هېواد كښې د عفو او درګرز او انسانيت سره د مينې جذبې ته د ودې وركولو په ضرورت زور رواړلو سره ووئيل د مئي په 9مه نيټه په رامخې ته شوو پېښو دړدېدلے يم، په ماضي كښې په پرېكړو كولو كښې تاخير د هېواد پرمختګ ايسار كړے ٬ په دې لړ كښې تېز رفتاره پرېكړو ته اړتيا ده، ده ووئېل د آئي ټي، مصنوعي ذهانت، او د سائبر سکيورټي په څانګو كښې پرمختګ لپاره به د ځوانانو په تعليمي هنر مندۍ سرمايه كاري كول وي۔ ده ووئيل د غربت خاتمه او سماجي او اقتصادي پرمختګ لپاره تعليم او صحت مركزي ستنې دي۔ ډاکټر عارف علوي اولس ته معياري تعليم او د صحت خدمات وركولو په ضرورت زور رواړلو سره ووئيل پاكستان كښې نزدې دوه کروړه 70 لکه كوچنيان د سكولونو نه بهر دي كومه چې د افسوس خبره ده۔ ده ووئيل په تعليمي څانګه كښې بنيادي ډهانچې ته د ترقۍ وركولو نه علاوه آن لائن تعليم خپلولو سره كوچنيانو ته تعليم وركړے كېدے شي
پاکستان د موجوده ستونزو نه بهر كولو لپاره قامي ترجيحات ته د نظرثاني كولو ته ضرورت دے۔ د صدر ډاكټر عارف علوي د سينئر آفيسرز ليډرشپ کورس ګډون كوٶنكو سره خبرې
مضمون کا ماخذ : کمپیوٹر لاٹری کے اعدادوشمار
متعلقہ مضامین
