اسلام آباد۔4 اپرېل(اے پی پی) د مخالفې ډلې لارښودو وئيلي دي مونږ په پاكستان كښې د آئين عملداري غواړؤ ، سپریم کورټ دې تېره ورځ رامخې ته شوې معامله كښې د ككړو عناصرو په ضد كارروائي وكړي٬ خط او تحريك عدم اعتماد دوه جلا جلا څيزونه دي ، د پاكستان د آئين دفاع يوازې د مسلم ليګ نون ٬ پيپلز ګوند او اپوزيشن ذمه واري نه ده بلكې دا په هر يو پاكستاني فرض ده٬ كه اپوزيشن ګوندونه د كوم نړيوال سازش برخه دي نو مونږ په سولۍ كړۍ خو د جمهوريت تسلسل بايد په ځائې وساتلې شي٬ د نګران وزيراعظم مشاورتي عمل برخه به نه جوړېږو۔ د ګل په ورځ د ګډې خبري كننفرنس ته خپل خطاب كښې د مسلم ليګ نون صدر شهباز شريف ووئيل چې تېره ورځ به د پاكستان په تاريخ كښې د تورې ورځې په توګه ياده ساتلې شي٬ د آئين ښكاره خلاف ورزي وكړې شوه۔ ده ووئيل په 24 مارچ د قومي اسمبلۍ سپيكر د ايوان د منشا له مخې عدم اعتماد تحريك په ايجنډا كښې شامل كړو۔ كه دا تحريك آرټیکل 5 سره متصادم وو نو بيا دا د 24 مارچ په ايجنډا كښې ولې شاملولې شو٬ تېره ورځ د ووټنګ عمل په هر صورت كښې بشپړ كول وو۔ ډپټي سپيكر دې ټولې كارروايۍ لپاره د آله كار په توګه وكارولې شو او دغسې د آئين خلاف ورزي وكړې شوه۔ ده ووئيل سترې محكمې هم هدايت كړې وو چې كوم غېر آئيني ګام بايد پورته نه كړې شي۔ شهبازشریف ووئيل زمونږ سفير اسد خان ټويټ كړې چې په 16 مارچ امريكائي سېكرټري ډونلډ لو ده ته بلنه وركړه او خط په 7 مارچ ترلاسه شوې وو۔ د 16 مارچ په بلنه كښې ده مننه كوله۔ كه په 7 مارچ په دې لړ كښې كوم ميټنګ شوې دې نو په 16 مارچ د بلنې مننه په كومه خبره وكړې شوه۔ دا دواړه خبرې متضاد دي۔ د يوې پوښتنې په ځواب كښې ده ووئيل د نګران وزيراعظم مشاورتي عمل برخه به نه جوړېږؤ۔ ده ووئيل تر كومې چې د آئين ماتوؤنكو په ضد كارروائي نه وي شوې مونږ به آرام سره نه كښېنو۔ د پاكستان پيپلز ګوند چيئرمېن بلاول بهټو زرداري ووئيل د وزيراعظم خپل منصب څخه اخوا كولو له عدم اعتماد يوه آئيني لاره ده۔ مونږ ټول جمهورت خوښوونكې خلق يؤ۔ مونږ نه غواړو كوم غېر آئيني كار وكړې شي۔ ده غوښتنه وكړه چې فل کورټ بېنچ كښې بايد ددې كېس پرېكړه واورولې شي۔ د جے یو آئی ف لارښود مولانا اسعد محمود ووئيل د مغرب مخالف او امریکا مخالف بيانيې جوړولو هڅه روانه ده ٬ دې سره د پاكستان اولس ته نوره دھوكه وركولې كېدې نه شي۔ ده ووئيل مونږ په پاكستان بهرني فشار قبلولو ته تيار نه يؤ۔ د اېم كيو اېم کنوینر ډاكټر خالد مقبول صدیقی ووئيل كه كوم سازش شوې وي نو يو كمېشن دې جوړ كړې شي او ريښتيا دې ثابت كړې شي٬زه تاسو سره يمه خو په يو شرط چې تاسو ريښتيا رامخې ته كړۍ۔ ده ووئيل تاسو په تېرو ټاكنو كښې زمونږ نه 14 چوكۍ په زور اخستې وې مونږ تېره ورځ تاسو نه حكومت په زور اخستې دې۔
مونږ د آئين عملداري غواړؤ٬ د آئين دفاع په هر يو پاكستاني وګړي فرض ده٬ د نګران وزيراعظم د مشاورتي عمل برخه به نه جوړېږؤ٬ د مخالفې ډلې لارښودو خبري كنفرنس
مضمون کا ماخذ : سشی ایکسپریس
متعلقہ مضامین
