اسلام آباد 13 جون (اے پي پي) وزيراعظم محمد شهباز شريف د رېلوے د مېن لائن ون اپ ګرېډېشن كار په ترجيحي بنيادونو د كولو امر كولو سره ووئيل چې (اېم اېل-1) د پاکستان رېلوے نظام لپاره د ملاتېر حېثت لري٬ پاکستان به سباٶن كښې د خپل رېلوے نظام او بندر ځايونو د لارې د منطقې نورو هېوادونو لپاره مهمه تجارتي راهداري وركوي، د پاکستان رېلوے بحالۍ لپاره حكومت په ترجيحي بنياديونو اقدامات كوي۔ د وزيراعظم آفس ميډيا ونګ لخوا د جاري خبر پاڼې له مخې د نهې په ورځ د وزيراعظم محمد شهباز شريف په مشرۍ كښې پاكستان رېلوېز كښې د اصلاحاتو او د اېم اېل ون اپ ګرېډېشن د جاج غونډه شوې۔ په غونډه كښې وفاقي وزيرانو اسحاق ډار، سيد نويد قمر، خواجه سعد رفيق او اړوند چارواكو ګډون كړې۔ په غونډه كښې په رېلوے كښې د جاري اصلاحاتو او د ډيجيټلائزېشن پحقله خبر كړې شوه٬ غونډې ته ووئيل شول چې تېر كال د تباه كن سېلاب نه پس په هنګامي بنيادونو د رېلوے آپرېشنز بحال كړې شوي٬ دا مهال د رېلوے په ډېجيټلائزېشن كار روان دې٬ د دې نه علاوه د رېلوے ټکټنګ نظام په بشپړه توګه ډيجيټلائز کړې شوې دې۔ غونډه د مېن لائن ون (اېم اېل-1) اپ ګرېډېشن منصوبې د پېشرفت په خاص توګه د بېل آپشنز او پړاٶنو په اړه هم خبر كړې شوې وه۔ وزيراعظم ووئيل پاکستان به په سباٶن كښې د خپل رېلوے نظام او بندر ځايونو د لارې د منطقې نورو هېوادونو لپاره مهمه تجارتي راهداري وركوي٬ حكومت د رېلوے بحالۍ لپاره په ترجيحي بنيادونو اقدامات كوي، د مسلم ليګ ن په دور كښې جوړ كړې شوې موټروېز، پبلك ټرانسپورټ، صحت او د تعليم څانګو څخه اولس مستفيد كېږي٬ د پاكستان رېلوېز ډلې د سېلاب نه پس خپل آپرېشنز په سمدستي توګه بحالۍ لپاره هڅې د ستائنې وړ دي
پاکستان به سباٶن كښې د خپل رېلوے نظام او بندر ځايونو د لارې د منطقې نورو هېوادونو لپاره مهمه تجارتي راهداري وركوي۔ د وزيراعظم د “اېم اېل ون” د جاج غونډې ته وېنا
مضمون کا ماخذ : پاور بال کے نمبر
متعلقہ مضامین
