نیویارک۔27ستمبر(اے پی پی)وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو سوشل میڈیا پلیٹ فارم ”ایکس“ تے پابندی غیر اعلانیہ نئ??ں، نگران دور حکومت اچ ایکس تے پابندی آزادی اظہار رائے کوں روکݨ کیتے نئ??ں قومی سلامتی پاروں لائی اے۔ اے ڳالھ انہاں نیویارک اچ وائس آف امریکہ نال الیندے آکھی۔ انہاں آکھیا جو علیحدگی پسند اتے دہشت گرد گروپ ”ایکس“ پلیٹ فارم کوں ملک دے خلاف استعمال ک??یندے پن، بی ایل اے دے دہشت گرد اپݨی مہم ”ایکس“ تے چلیندن اتےس اریاں دہشتگرد سرگرمیاں ”ایکس“ تے لائیو پوسٹ کریندن،”ایکس“ تے پابندی دا معاملہ عدالت اچ زیر سماعت اے، جیندے تے وزارت داخلہ اپݨا ولدا جمع کرا ݙتے۔ وزیر اطلاعات آکھیا جو دہشتگرد گروپاں کوں سوشل میڈیا پلیٹ فارم دے غلط استعمال دی اجازت نئ??ں ݙتی ونڄ سڳدی، بطور پاکستانی اساں درخواست کر سڳدے ہیں جو انہاں دہشت گرداں دی کارروائیاں روکݨ کیتے اقدامات کیتے ونڄن، دہشتگرد لاشاں ݙھواوݨ، معصوم شہریاں دی رت وہاوݨ کیتے سوشل میڈیا دا غلط استعمال ک??یندن، انہاں کوں حق نئ??ں جو او سوشل میڈیا دا غلط استعمال ک??ن۔ وفاقی وزیر آکھیا جو سوشل میڈیا کیتے ملک اچ کوئی نہ ??وئی نظام ہووݨا چاہیدے، پہلے ویب مینجمنٹ سسٹم ہا جیندے نال سائبر سیکورٹی اتے ڈیٹا سیکورٹی اچ کوئی حرج نئ??ں، ڈیجیٹل رائٹس پروٹیکشن اتھارٹی ڄھیاں فورم ہووݨا چاہیدے جتھاں عوام اپݨیاں شکایات درج کرا سڳن، ایں سانڳے کابینہ اچ ہک قانون آیا ھا، کابینہ اے معاملہ موخر کر ݙتے اتے قانون سانڳے سارے فریقاں ڄیویں صحافتی تنظیماں، میڈیا ہائوسز، پی ایف یو جے اتے پولیٹیکل پارٹیاں نال صلاح مشورے دا آکھیے تاں جو موثر قانون سازی ہووے اتے ایندے تے عملدرآمد وی سوکھے ہووے، بطور سیاسی کارکن آکھساں جو”ایکس“ کھلݨا چاہیدے، ایندے تے پابندی دا مسئلہ صرف کمپلائنس دا اے، ایکس نال کمپلائنس دے معاملات چنڳے تھی ونڄن تاں اے معاملہ حل تھی سڳدے۔
ایکس تے پابندی آزادی اظہار رائے کوں روکݨ کیتے نئیں قومی سلامتی پاروں لائی اے، وفاقی وزیر اطلاعات عطاءاللہ تارڑ دی وائس آف امریکہ نال ڳالھ مہاڑ
مضمون کا ماخذ : پاور بال کے نتائج
متعلقہ مضامین
.jpg)
